web counter
LEXO PA REKLAMA!

SHKARKO APP

App Store
Google Play

"Paga mesatare shkon në 112 mijë lekë"/ Pirdeni: Barazojmë nivelin e pagave të pushtetit lokal me atë qendror

19 Nëntor 2025, 15:55, Politikë CNA

"Paga mesatare shkon në 112 mijë lekë"/ Pirdeni:

Ministrja e Shtetit për Administratën Publike, Adea Pirdeni, prezantoi në Kuvend buxhetin për reformimin e sistemit të pagave në administratën publike. Pirdeni deklaroi se paga për specialistët e administratës do të rritet me 5000 lekë, për mësuesit me 3000 lekë.

Ministrja tha se pas ndryshimeve paga mesatare në administratë do të shkojë në 112 mijë lekë çka do të sjellë edhe rritjen e fuqisë blerëse.

 

"Indeksimi i pagave të administratës publike dhe rritja e pagës minimale me 10 mijë lekë do të rrisë fuqinë blerëse. Për specialistët e administratës publike niveli më i ulët që kemi paga do të rritet me 5000 lekë, mësuesit 3000 lekë në muaj më shumë, në shëndetësi do të rritet edhe vjetërsia gjithashtu edhe për infermierët.

Për punonjësit e Policisë vjetërsia do të rritet me 5000 lekë të rinj sipas gradave.

Mesatarisht buxheti është një dëshmi e qartë për trendin në rritje të pagave dhe dëshmon se përmes këtij buxheti të ri Shqipëria renditet e para për menaxhimin e të ardhurave publike.

Në total kjo reformë pagës ka çuar një rritje në 112 mijlë lekë të rinj të pagës mesatare në administratë. Do të barazohen edhe pagat e administratës ne nivel lokal me ato përkatëse në nivel qendror.

Hapi i radhës është ruajtja e qëndrueshmërisë sepse është hartuar për të siguruar balancim të sistemit të pagave. Kjo arkitekturë e pagave zhvillohet në sinkron të plotë me procesin e integrimit të Shqipërisë në Bashkimin Europian", deklaroi Pirdeni./CNA

 

 

 

 

 





Lajmet e fundit nga