web counter
LEXO PA REKLAMA!

SHKARKO APP

E fundit!

x

Paqja fiskale në 2026/ Noka: Sipërmarrësi i ndershëm merr Noc Rrokun, hajduti shpërblehet

19 Nëntor 2025, 13:09, Politikë CNA

Paqja fiskale në 2026/ Noka: Sipërmarrësi i ndershëm merr

Demokrati Flamur Noka deklaroi sot se programi për paqen fiskale si pjesë e projektbuxhetit të vitit 2026 nuk i shërben sipërmarrësit të ndershëm. 

Në fjalën e tij në Kuvend, Noka tha se nga ky program do të bëhen amnisti të shumta për bizneset që kanë abuzuar, teksa qeveria e shet si një zhvillim historik.

“E shohin pronën e qytetarëve si pronën e tyre. Sot nuk kemi përballë një qeveri që mendon për ekonominë, për shqiptarët, për të rinjtë, për pensionistët, bujqësinë apo industrinë. Jo! Kemi përballë një grusht pushtetarësh që mendojnë vetëm se si të mbajnë tepsinë të mbushur plot me paratë dhe djersën e shqiptarëve të ndershëm, si të zgjerojnë llokat dhe të blejnë më çdo çmim heshtjen e qytetarëve. Paqja fiskale është abuzim me qytetarët e ndershëm. Projektbuxheti është i pushtetit, drogës dhe babëzisë. Qeveria e Narkos përpiqet ta shesë si diçka historike, por amnistohet në mënyrë të turpshme dhe kriminale një biznes që ka abuzuar dhe ka mbushur xhepat e qeverisë. Ata kanë qenë në evazion për 13 vite dhe kanë mbrojtjen e Narkosit. Për biznesin e ndershëm duhet të mendonte një qeveri normale. Për to ka zero vëmendje. Sipërmarrësi i ndërshëm merr Noc Rrokun, ndërsa hajduti shpërblehet”,-tha Noka./CNA





Lajmet e fundit nga