E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

Hetimet e SPAK-ut/ Balluku: Nuk do të dëgjoni kurrë akuza apo kërcënime për drejtësinë e re dhe kur prekem personalisht

19 Nëntor 2025, 13:27, Politikë CNA

Hetimet e SPAK-ut/ Balluku: Nuk do të dëgjoni kurrë akuza apo

Zëvendëskryeministrja, njëherësh ministre e Infrastruktures dhe Energjitikës, Belinda Balluku, ka mbajtur fjalën e saj në Parlament në lidhje me hetimet e SPAK-ut.

Balluku tha se po e bën këtë reagim për të gjithë ata që besojnë te puna dhe jo për ata që besojnë te balta.

Zëvendëskryeministrja tha se nuk do të ketë kurrë asnjë deklaratë sulmi apo kërcënimi ndaj drejtësisë dhe kur preket ajo vetë.

Ministrja Balluku tha se nuk do të flasë për çështje nën hetim der isa të merret vendimi përfundimtar, cilido qoftë ai.

Balluku deklaroi se mbështet reformën në drejtësi dhe tha se po kryen misionin për të cilin është krijuar.

Sa i përket SPAK-ut, Balluku tha se opozita ka një qëndirm me dy standarde.

“Më duhet të them disa fjalë për detyrimin që kam ndaj kujtdo që beson te puna dhe jo te balta. Nuk do dëgjoni kurrë nga unë akuza sharje kërcënime për drejtësinë e re ,edhe kur prekem personalisht. Besoj se kjo drejtësi produkt i PS dhe Ramës është duke kryer misionin për të cilin është formuar. Si gjithçka e re konsolidohet dita-ditës. Nuk do më dëgjoni kurrë të merrem me prokurorë e gjyqtarë, secili bën detyrën siç e gjykon. Nuk do prononcohem kurrë për çështje nën hetim derisa e vërteta të marrë rrugë, sidoqoftë ajo. PS është një formacion politik serioz. Ajo reformë ka marrë mbështetjen e çdo socialisti ndaj në respetk të plotë të saj nuk kam asnjë koment. Keni dy standarde sa i përket reformës në drejtësi dhe SPAK. Kur SPAK merr Saliun për një vrasje të ndodhru 15 vite më parë, SPAK ndikohet nga Rama. Kur SPAK thërret Berishën dhe sot është i pandehur për korrrupsion, atëherë Edi Rama e ndikon SPAK. Por kur sipas jush, SPAK merret me mazhorancën, ju bëheni martirët e saj, klithma dhe britma e saj. Rrotacionin që ka shumë e doni nuk mund ta bazoni me pathos se kë do të marrë SPAK nga mazhoranca. Rrotacioni bëhet me votë jo me lutje”, tha Balluku.