web counter
LEXO PA REKLAMA!

SHKARKO APP

App Store
Google Play

Rama, për gazetën holandeze: Anëtarësim në BE pa të drejtë vetoje, na duhet Europë më e fortë

19 Nëntor 2025, 15:51, Politikë CNA

Rama, për gazetën holandeze: Anëtarësim në BE pa

Kryeministri Edi Rama ka dhënë një intervistë për gazetën holandeze “Volkskrant”.

Në intervistë, Rama ka theksuar qëndrimin e tij lidhur me integrimin, se Shqipëria synon anëtarësimin në BE pa të drejtë vetoje.

Rama u shpreh se për të qëndruar në këmbë mes të gjitha fuqive të reja në ngritje dhe ekuilibrit të ri, duhet një Europë më e fortë, dhe për rrjedhojë një Europë më e madhe.

“Ne duam të bëhemi më të fortë së bashku dhe, për ta arritur këtë, jemi të gatshëm të heqim dorë nga gjëra që ju i shihni si të ndërlikuara. Prandaj, nuk kemi nevojë për të, nuk do të votojmë kurrë kundër shumicës dhe nuk kemi nevojë për komisionerin tonë.

Me të vërtetë mësova shumë prej tij. Vlerën e durimit, për shembull. Dhe falë tij, i kuptoj edhe kompleksitetet e Europës shumë më mirë. Për shembull, tani e di se aty ku për të tjerët mjafton një provim i vetëm, me ju holandezët duhet të kalosh të paktën tre.

Kjo është arsyeja pse përgjigjja ndaj rendit botëror që ndryshon me shpejtësi duhet të jetë gjithmonë më shumë Europë. Kurrë më pak Europë. Nëse duam të qëndrojmë në këmbë mes të gjitha këtyre fuqive të reja në ngritje dhe të jemi pjesë e ekuilibrit të ri, na duhet një Europë më e fortë, dhe për rrjedhojë një Europë më e madhe. Është çmenduri që disa njerëz mendojnë se vendet bëhen më të forta pasi largohen nga Europa; absurditet i plotë”,-u shpreh Rama./CNA

 





Lajmet e fundit nga