web counter
LEXO PA REKLAMA!

SHKARKO APP

App Store
Google Play

E fundit!

x

"Në vitin 2026, paga minimale 500 euro"/ Ibrahimaj: Qeveria ka parashikuar 1 miliard lekë subvencione për sigurimet

19 Nëntor 2025, 15:33, Politikë CNA

"Në vitin 2026, paga minimale 500 euro"/ Ibrahimaj: Qeveria ka

Ministrja Delina Ibrahimaj në fjalën e saj në Kuvend ku prezantoi zërat e buxhetit për vitin 2026 deklaroi se deri në vitin 2030 synohet që paga minimale të shkojë deri në 800 euro, ndërsa gjarë vitit 2026 në 500 euro.

Ibrahimaj tha se qeveria nuk do t’i shtojë barrën biznesit dhe do të subvencionojë sigurimet shoqërore për rritjen e pagës minimale.

Ministrja deklaroi se hapi i radhës i qeverisë do të jetë përafrimi i standardeve me Bashkimin Europian përmes rritjes së prodhimit vendas dhe rritjes së këtyre standardeve.

"Për vitin 2028 synojmë që paga minimale të shkojë në 500 euro dhe deri në vitin 2030, 800 euro. Paga minimale lidhet me reduktimin e varfërisë.

Përmes këtij projektbuxheti jemi kujdesur të mos ketë rritje të kostos për bizneset, ndaj janë parashikuar 1 miliard lekë për subvencionimin e sigurimeve.

Hapi i ardhshëm është përafrimi me standardet e Bashkimit Europian dhe kemi dy shtylla kryesore:

Të rrisim prodhimin vendas;

Të arrijmë standardet. Këto standarde do të arrihen përmes bashkëpunimit me Bankën Botërore.

Buxheti parashikon shumëçka për nxitjen e konkurrueshmërisë së 'start up'-eve dhe duam që brenda këtij mandati të jemi pjesë e BE-së dhe të konkurrojmë si të barabartë", tha ministrja./CNA

 

 

 

 





Lajmet e fundit nga