web counter
LEXO PA REKLAMA!

SHKARKO APP

App Store
Google Play

Boçi akuzon mazhorancën: Flisni me dy standarde dhe nuk ju hyn asgjë në këmbë

19 Nëntor 2025, 14:16, Politikë CNA

Boçi akuzon mazhorancën: Flisni me dy standarde dhe nuk ju hyn

Deputeti demokrat, Luçiano Boçi, akuzoi sot mazhorancën se vepron me standarde të dyfishta. 

Në fjalën e tij në Kuvend, Boçi u shpreh se mazhoranca ka sharë dhe linçuar përfaqësuesit e opozitës, që janë krenarë që i përkasin Partisë Demokratike.

Boçi ndau edhe disa çështje që sipas tij janë me rëndësi, mbi të cilat qeveria nuk po jep vëmendjen e nevojshme. 

“Do të ishte më e udhës dhe më e sinqertë që të flitej për buxhetin dhe jo t’ua kërkoni këtë deputetëve të opozitës. Në vend që të jepnit llogari, u morët me akuza banale. Ne jemi krenarë që jemi përfaqësues të Partisë Demokratike. Dhe jo të na përcaktoni ju se kush jemi ne dhe si veprojmë ne, duke e shoqëruar me vërshëllima. Këto reagimet tuaja janë edhe në shkresa. Dëgjoj sharje, linçime për deputetë të opozitës dhe juve nuk ju hyn asgjë në këmbë. Mos flisni me dy standarde dhe bëni sikur nuk dëgjoni. Do të ishte më mirë që ky buxhet të kishte titullin si manual diskriminues, ku mungojnë kërkesat e zonës Milot-Balldren, sikurse edhe segmente të tjera jetike, për shëndetësinë, digat. Për ju, Veriu ëshë PD-ja dhe jo më kot se përfaqësuesit e dijes së Veriut që kanë infrastrukturën më të shkatërruar, ku ju e keni lënë pas dore dhe në kontrast e doni veriun për pasuritë dhe jeni sulur me të gjitha format dhe mënyrat. Ju dhe Rama ndaj veriut, me thënien: Joshën, i rrejtën për nga ana monetare dhe pastaj i ndëshkuan”,-tha Boçi./CNA





Lajmet e fundit nga