web counter
LEXO PA REKLAMA!

SHKARKO APP

App Store
Google Play

E fundit!

x

Numërimi i votave në Prrenjas/ Nuri: U konstatuan problematika

20 Maj 2025, 16:13, Politikë CNA

Numërimi i votave në Prrenjas/ Nuri: U konstatuan problematika

Përfaqësuesi ligjor i PD në KQZ, Franc Nuri deklaroi sot se procesi i numërimit të votave në Bashkinë Prrenjas ishte i mbushur me problematika. Në një intervistë për ‘Syri Tv’, Nuri u shpreh se PD ka dyshime serioze për integritetin e zgjedhjeve në atë qendër votimi dhe në atë zonë.

Nuri tha se ka dyshime edhe për raste të ngjashme në Qarkun Durrës.

“Është e vërtetë që janë sot këto kuti që po hapen në KQZ me urdhër të Celibashit, sepse këto kuti nuk janë numëruar asnjëherë. Dhe ditën e zgjedhjeve nuk u numëruan, as të nesërmen sepse u konstatuan më problematika. U konstatuan nga numëruesit nga KZAZ me problematika.

Problematika është mjaft e qartë. Të dalin 24 votues më tepër se sa personat e identifikuar me PEI. Kjo është një pajisje e sigurte dhe nuk mund të shmanget gjatë procesit të votimit nëse nuk punon pajisja dhe nëse nuk njoftohet KQZ që pajisja nuk punon dhe nuk kërkohet zëvendësimi i saj. Duhet ta dini që ka edhe një pajisje zëvendësuese. Pra kur PEI nuk punon ka një pajisje tjetër rezervë. Dhe nëse edhe pajisja rezervë nuk vjen në atë rast kalohet me votim manual. Pra me nënshkrime manuale dhe me lista zgjedhore.

Në këtë rast pothuajse është mbyll gjithë procesi dhe 24 personat e fundit kanë kaluar me listë manuale, çka për ne ka dyshime serioze për integritetin e zgjedhjeve në atë qendër votimi dhe në atë zonë pse jo. Sepse aty mund të këtë qenë edhe pikënsija e “Trenit Bullgar”. Pra e sistemit të manipulimit të votave. Këtë nuk e dimë dhe do të kërkohen hetime.

Nuk ka patur asnjë mosfunksionim të pajisjes. Sepse po të kishte një gjë të tillë do të ishte në proces verbal. Madje e kundërta. Në procesverbalet që i kam parë që janë mbajtur dhe këto që po mbahen sot nuk figuron asnjë shënim për mosfunksionim të pajisjes PEI. Apo nuk është shënuar fare madje se këta persona kanë votuar me nënshkrime manuale. Pra nuk është zbatuar ligji. Dhe këtu ka cenim të integritetit zgjedhor. Dhe nuk është vetëm problemi i një qendre votimi në një zonë të caktuar të Qarkut Elbasan.

Të njëjtën gjë kemi edhe në Durrës. Janë 5 apo 6 raste në Durrës që na janë raportuar. Sipas informacioneve që ne kemi thuhet se ka nga një votë plus. Është pak e çuditshme që del nga një votë plus, manuale ndoshta nga ata të identifikuar me PEI. Çfarë do të thotë kjo.

Kjo mund të jete vota e fundit e “Trenit Bullgar”, që e kanë hedhur pasi kanë kryer të gjithë punët. Prandaj ka dyshime serioze mbi integritetin e këtyre kutive. Prandaj nuk mund të kalojnë kaq lehtë sikur janë gabime. Sepse kemi që nga fillimi i këtij procesi që dëgjojmë nga KQZ, gabime, njerëzore, gabime fabrike, gabime...Nuk është punë gabimi këtu. Këtu është punë shkelje ligji apo jo. Është respektuar ligji apo procesi zgjedhor apo jo. Nuk mund të kalojë çdo gjë me gabime",-tha Nuri./CNA 

 

 

 

 

 

 

 

 

 





Lajmet e fundit nga