web counter
LEXO PA REKLAMA!

SHKARKO APP

App Store
Google Play

100-vjetori i KLSH/ Shehu: Jo thjesht një rrugëtim për t’u përkujtuar, por një bazë e fortë për të ndërtuar të ardhmen

20 Maj 2025, 15:31, Politikë CNA

100-vjetori i KLSH/ Shehu: Jo thjesht një rrugëtim për t’u

Kontrolli i Lartë i Shtetit ka shënjuar sot 100-vjetorin e krijimit.

Kreu i KLSH, Arben Shehu, në fjalën e mbajtur në Parlament, tha se këto 100 vite janë një bazë e fortë për të ndërtuar të ardhmen.

Shehu u shpreh se KLSH do të vijojë të përmirësojë kapacitetet profesionale dhe të qëndrojë në dobi të interesit të përbashkët.

Më tej, Shehu tha se KLSH do të vijojë të mbrojë interesin publik.

 

“Të nderuar të pranishëm, 100 vite histori nuk janë thjesht një rrugëtim për t’u përkujtuar, por një bazë e fortë për të ndërtuar të ardhmen. Kontrolli i Lartë i Shtetit do të vazhdojë të përmirësojë kapacitetet profesionale, të adoptojë teknologji moderne dhe të qëndrojë në dobi të interesit tonë të përbashkët. Ky përvjetor është jo vetëm një pikë ndalese për të vlerësuar rrugëtimin tonë, por edhe një pikënisje për një angazhim të ri, për të ndërtuar një të ardhme më të përgjegjshme, më efikase dhe më të ndershme në shërbim të qytetarit shqiptar.

Dua t’ju siguroj se Kontrolli i Lartë i Shtetit do të qëndrojë besnik ndaj misionit të tij kushtetues, në sinkron me interesin e shtetit dhe në thelb të çdo shqiptari. Ne do të vazhdojmë të mbrojmë interesin publik dhe të çdo shtetasi shqiptar, me përkushtim ndaj parimeve të shtetit të së drejtës dhe të mirëqeverisjes. Jam i bindur se rruga jonë e përbashkët do të vijojë me bashkëpunim të qëndrueshëm, shkëmbim të ndërsjellë dhe mbështetje reciproke për të ndërtuar institucione më të forta dhe njëkohësisht administratë më të përgjegjshme.

Ju falënderoj edhe një herë për praninë tuaj sot, për vlerësimin që i keni bërë këtij përvjetori, dhe për mbështetjen e madhe që i ofroni vazhdimisht misionit të Kontrollit të Lartë të Shtetit”, tha Shehu./ CNA





Lajmet e fundit nga