web counter
LEXO PA REKLAMA!

SHKARKO APP

App Store
Google Play

E fundit!

x

“Tirana s’ka as 10 kulla”/ Veliaj: Ndërtimi ka mbajtur ekonominë në këmbë

18 Janar 2023, 18:27, Politikë CNA
“Tirana s’ka as 10 kulla”/ Veliaj: Ndërtimi ka mbajtur
Kryetari i Bashkisë së Tiranës, Erion Veliaj

Kryetari i Bashkisë së Tiranës, Erion Veliaj, ka reaguar pas akuzave për ndërtimet dhe kullat në kryeqytet.

Veliaj tha në një intervistë me gazetarin Arbër Hitaj se sektori i ndërtimit në Tiranë ka mbajtur ekonominë e vendit në këmbë gjatë gjithë pandemisë.

“Na rezulton se prej faktit që edhe gjatë pandemisë, edhe gjatë luftës i gjithë sektori i ndërtimit e mbajti peshën e ekonomisë së vendit.  Ndërtimi në Tiranë shpëtoi ekonominë e Shqipërisë. Kantieret që janë hapur në Tiranë punësojnë pafund njerëz dhe mbajnë ekonominë në këmbë”, u shpreh ai.

Përsa i përket kullave, kryebashkiaku pretendon se nuk ka as 10 të tilla në Tiranë.

“Shumica e kritikëve janë partitë politike. Kujtojmë se vendin e preferuar ku na shajnë kanë kullat. Kulla Tirana nuk ka as 10. Dhe ata që janë kryesisht ndihmojnë të heqin shëmtinë që u bë gjatë viteve 90. Shëmtia janë shtesat që janë bërë përgjatë atyre viteve dhe asnjë nga analistët nuk e sheh. Pse kur shkojnë në Dubai na çmendin në instagramin e tyre me foto nga kullat këta analistët.  Pse nuk diskutojnë normal këta? Nëse do i çojmë në rrethina këta njerëzit nuk do bëjnë trafik kur të vijnë në Tiranë?”, theksoi Veliaj./ B.A. – CNA.al





Lajmet e fundit nga