web counter
LEXO PA REKLAMA!

SHKARKO APP

App Store
Google Play

Meta “shënjestron” SPAK-un/ Thirrje, qytetarëve dhe strukturave opozitare në Himarë

12 Maj 2023, 11:18, Politikë CNA
Meta “shënjestron” SPAK-un/ Thirrje, qytetarëve dhe
Kreu i Partisë së Lirisë, Ilir Meta

Kreu i Partisë së Lirisë, Ilir Meta, ka shënjestruar SPAK-un, pas shoqërimit të Fredi Belerit.

Përmes një reagimi në rrjetet sociale, Meta shkruan se SPAK-u nuk vepron ndaj dhjetëra kryetarëve të bashkive që shkelin ligjin, por rrëmben pas mesnate në mënyrë mafioze Belerin.

Meta u bën thirrje të gjithë qytetarëve dhe strukturave opozitare në Himarë të jenë në këmbë, të fuqizojnë në maksimum fushatën dhe të intensifikojnë kontaktet me zgjedhësit për të votuar masivisht dhe për t’i dhënë goditjen përfundimtare Kryeministrit.

“Pjesëmarrje, pjesëmarrje dhe vetëm pjesëmarrje!

Ky ështe ilaçi ndaj një Kryeministri dhe një regjimi, që po jep shpirt dhe të tmerruar nga vota e lirë.

Ndërsa SPAK nuk vepron ndaj dhjetëra Kryetarëve të Bashkive, që shkelin ligjin dhe vërtetohen si fajtorë,  pas sulmeve të paramenduara dhe të inskenuara të Kryeministrit delinkuent, rrëmbehet pas mesnate në mënyrë mafioze Kandidati për Kryetar i Bashkisë në Himarë.

Të gjithë qytetarët dhe strukturat opozitare në Himarë të jenë në këmbë, të fuqizojnë në maksimum fushatën dhe të intensifikojnë kontaktet me zgjedhësit për të votuar masivisht dhe për t’i dhënë goditjen përfundimtare Kryeministrit, grabitësit dhe shkatërruesit më të madh për qëllime mafioze të pronave në Himarë dhe gjithë bregdetit të Jugut nga Vlora deri në Ksamil”, shkruan Meta./ CNA.al





Lajmet e fundit nga