LEXO PA REKLAMA!

SHKARKO APP

Meta me kandidatin e primareve për Kurbinin/ Jemi të bindur për fitore

10 Mars 2023, 16:22, Politikë CNA
Meta me kandidatin e primareve për Kurbinin/ Jemi të bindur për
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka shprehur mbështetje për kandidatin e opozitës për Kurbinin në zgjedhjet e 14 majit, Behar Haxhian.

Me anë të një statusi në rrjetet sociale, Meta thotë me bindje se opozita do të fitojë zgjedhjet lokale në Kurbin.

Ai deklaron se e sheh Haxhian si kryebashkiak të ardhshëm, ndërsa pretendon rezultat historik edhe në zgjedhjen e këshilltarëve.

“Kënaqësi të merrja pjesë sot në takimin e Kryesisë të Kurbinit me kandidatin tonë të Opozitës të Bashkuar, z.Behar Haxhia për kryebashkiak në 14 Maj!

Së bashku me drejtuesit e Partisë të Lirisë dhe deputetin e nderuar të Kurbinit, z.Kastriot Piroli shprehëm bindjen në fitoren historike të 14 Majit të cilën të gjithë kurbinasit po e presin me padurim për t'u ndarë përgjithmonë nga monizmi dhe arroganca e një pakice uzurpatorësh.

I falenderova demokratët e Kurbinit për përzgjedhjen e shkëlqyer, që kanë bërë gjatë primareve, me z.Behar Haxhia, si kryebashkiak i ardhshëm.

Jam i bindur se z.Behar Haxhia do të sjellë modelin e bashkëpunimit me të gjithë qytetarët kurbinas.

Partia e Lirisë drejt një rezultati historik në 14 Maj do të garantojë llogaridhënien dhe transparencën ndaj qytetarëve.

Kënaqësi që listën e këshilltarëve tanë do ta drejtojnë z.Dedë Ndreca dhe znj. Sabaete Hidri.”, shkruan kreu i PL-së./ CNA.al

Lajmet e fundit nga