web counter
LEXO PA REKLAMA!

SHKARKO APP

App Store
Google Play

E fundit!

x

Meta bën rolin e të shqetësuarit/ “Qan hallet” e durrsakëve

10 Dhjetor 2022, 19:02, Politikë CNA
Meta bën rolin e të shqetësuarit/ “Qan hallet” e
Kreu i Partisë së Lirisë, Ilir Meta

Kreu i Partisë së Lirisë, Ilir Meta në një takim me strukturat në Durrës ka bërë rolin e të shqetësuarit për banorët e këtij qyteti.

Meta tha se Durrësi është një ndër qytetet e Shqipërisë që është lënë në harresë nga qeveria.

Ai deklaroi se Durrësi po shfrytëzohet vazhdimisht nga qeveria, për të cilën pretendon se nuk po bën asnjë investim.

“Përveç Portit dhe Velierës që ka ngelë një gërmadhë dhe s’ka mbaruar akoma, çfarë ka prishur arkitekurën italiane, qyteti i dytë nga rëndësia, nuk ka një kinema (në kohën e Enverit ka patur 3 kinema) apo qendra inovacioni të dedikuara ku të rinjtë të zhvillojnë projektet e tyre.

Përmbytjet, problem madhor që prek çdo qytetar, të majtë e të djathtë, të Partisë së Lirisë apo pa parti. Çdo biznes lutet të mos bjerë shi, sepse këtu qyteti përmbytet me një pikë uji. Rilindja në Durrës më parë ndërton Marina korrupsioni e pastrimi parash, sesa kanalizimet për qytetarët e Durrësit mijëravjeçar.

Betonizimi pa kriter i qytetit, e ka lënë Durrësin pa parqe apo lulishte. Këtë më së miri e dinë prindrit me fëmijët e tyre, si dhe moshat e treta. Cilësia e jetës së një qyteti lidhet drejtëpërdrejtë nga gjelbërimi, jo nga betoni, ndaj kuptohet dëmi që i bëhet cdo familje durrsake me këtë zhvillim jo të shëndetshëm.

Parku sportiv që durrsakët kanë nostalgji është bërë pallat e s’ka qendra trajnimi në sport.

Durrësi për të ardhurat për frymë, është pas Tiranës edhe qyteteve të tjera, pasi nuk ka qenë në interes të qeverisë, por ka qenë gjithmonë një pikësynim për tu shfrytëzuar. Durrësi është lënë në harresë. Durrësi duhet të ishte në vëmendje të investimeve të huaja” , u shpreh kreu i PL-së./ CNA.al





Lajmet e fundit nga