web counter
LEXO PA REKLAMA!

SHKARKO APP

App Store
Google Play

“Malaj dhe Kapllanaj kanë marrë paratë e qytetarëve”/ Kalaja: SPAK-u të hetojë dhe të marrë masa

8 Maj 2025, 10:57, Politikë CNA

“Malaj dhe Kapllanaj kanë marrë paratë e

Avokatja dhe kryetarja e Komisionit të Apelimit në PD, Adriana Kalaja, ka deklauar sot se Partia Demokratike ka kërkuar nga institucionet e drejtësisë që të marrin në shqyrtim dhe të hetojnë në detaje dy raste ku pretendohet se zyrtarët u kanë marrë para qytetarëve.

Në një deklaratë para gazetarëve, Kalaja u shpreh se dy rastet lidhen me kryebashkiakun e Matit, Agron Malaj, dhe ish-kryebashiakun e Mallakastërs, Agron Kapllanaj. 

Kalaja tha se PD ka kërkuar nga SPAK-u që të vijojë hetimet për këto dy çështje dhe t'u përmbahet dispozitave ligjore për të marrë masa ndaj tyre.

“Për hidrocentralin kemi sjellë edhe vendimin që Agron Malaj i jep leje vëllait të tij, Fatos Malaj. Nuk e di nëse keni dijeni. Mund të pyesni, po mund të vijë edhe për të pirë kafe. Sot duhet të kishte masë sigurimi. Duhet të kishin përfunduar kallëzimet. Edhe sot ne me fakte e prova kemi sjellë se si është abuzuar me paratë e qyetarëvve në Mat. Ai dhe bashkëpunëtorët duhet të përgjigjen para ligjit.

E njëjta situatë është edhe me Agron Kapllanajn. Banorët ta mendojnë mirë për kë do të hedhin votën. Është shpërblyer me shifrën 3 milionë euro.

Kemi kërkuar nga SPAK-u edhe marrjen e masës së pezullimit të kandidimit. Ashtu siç e parashikon dispozita ligjore, janë persona me rrezikshmëri dhe mund të prishin provat. Kemi kërkuar edhe kontrollin pasuror. Bëj thirje që institucionet të mos mbajnë në pushtet Edi Ramën, por t'u shërbejnë qytetarëve”,-tha Kalaja./CNA





Lajmet e fundit nga