web counter
LEXO PA REKLAMA!

SHKARKO APP

App Store
Google Play

A mund të udhëtojë Berisha në SHBA?/ Spahiu: Ka kohë ta provojë deri të dielën e zgjedhjeve

8 Maj 2025, 10:27, Politikë CNA

A mund të udhëtojë Berisha në SHBA?/ Spahiu: Ka kohë ta

Juristi Krehnik Spahiu ka reaguar pas lajmit se një gazetar amerikan ka marrë një përgjigje nga Departamenti Amerikan i Shtetit se kryedemokrati Sali Berisha mund të udhëtojë në SHBA.

Në një postim në rrjetet sociale, Spahiu tregon se ku ndryshon hyrja në SHBA nga heqja e ‘non grata’-s.

Sipas tij, ligjërisht heqja ‘non grata’-s bëhet me të njëjtën procedurë siç u shpall personi në listën e zezë. Me dekret të Presidentit të SHBA-së, sekretari i shtetit, Marco Rubio, duhet të firmosë vendimin e arsyetuar mbi dispozitat e dekretit të presidenit.

Sipas juristit, s’ka pasur nevojë për një pyetje të tillë, pasi i ka të afishuara në listën e OKB-së, ku kanë qenë dhe Fidel Kastro, Maduro, Mugabe etj., që kanë qenë “non grata” në SHBA, por për interes të vendit të tyre janë ftuar, fjala vjen, në OKB.

Spahiu shprehet se Sali Berishës ende nuk i është hequr "non grata", pasi nëse do të ishte e vërtetë, do të udhëtonte për fushatë elekotrale.

Spahiu shton se Berisha ka kohë ta provojë nëse hyn dot në SHBA deri të dielën.

“Gjithsesi, Berisha ka kohë ta provojë që a hyn dot në SHBA deri të dielën. Sugjerimi im është ta kaloj ilegalisht nga Meksika.

Unë 'njoh' dikë që e nxjerr matanë murit meksikan me çmim më të lirë se 6 milionë dollarë. Mos hezito o doktor. Hypi avionit para zgjedhjeve se më 12 maj në mëngjes duhet të zgjohesh herët për rezultatin”,-shkruan Spahiu./CNA

 





Lajmet e fundit nga