web counter
LEXO PA REKLAMA!

SHKARKO APP

E fundit!

x

Lulzim Basha blen një partiçkë!

24 Janar 2025, 20:37, Politikë CNA

Lulzim Basha blen një partiçkë!

Luli ka zgjedhur një stil tjetër, nuk ka themeluar një parti të re siç e tha “Euroatlantike”, por për të qenë në skemë, për t’u përplasur me Berishën në Gjykatën e Lartë me shpresën se do t’i rikthehet vula, Luli ka blerë një partiçkë.

Ai ka blerë Partinë Konservatore të Armando Ruços. Jo konservatorët e Kujtim Gjuzit sepse Kujtim Gjuzi e ka partinë Konservatore Kombëtare. Ai ka blerë partinë e vogël konservatore të Armando Ruços, dhe në lëvizjen e tij Lulzim Basha ka marrë dhe ka vënë Endri Hasën kryetar.

Në fakt, nuk dihet kur është mbledhur struktura drejtuese e kësaj partie, në rast se egzistonte kjo strukturë pasi gjithë jetën vetëm një kryetar ka pasur.

Nuk dihet si është emëruar kryetar dhe nuk dihet sa është blerë kjo parti, sa është paguar që një ish-deputet i PD-së së Lulit, të jetë kryetar i një partie të vogël thuajse inekzistente që tashmë ndrron edhe emrin dhe nga Partia Konservatore, bëhet “Koalicioni Euroatlantik” që Basha të ketë një sigël dhe një parti për të hyrë në zgjedhje.

Gjithashtu, një parti tjetër kanë bërë edhe Enkelejd Alibeaj me Edvin Kullurin duke e quajtur “Djathtas 1912”. Një koalicion i tretë është ai i LZHK-së ku është Dash Shehi me Ekrem Spahinë, të cilat duken se do të mblidhen të gjitha bashkë për të kandiduar në 11 maj duke i dalë përballë PS, por edhe PD-së së Berishës për të copëtuar votat e opozitës. /CNA





Lajmet e fundit nga