web counter
LEXO PA REKLAMA!

SHKARKO APP

App Store
Google Play

E fundit!

x

“Hetimet ndaj Veliajt, barrë për qytetarët”/ Tomorri: SPAK-u të veprojë

24 Janar 2025, 11:58, Politikë CNA

“Hetimet ndaj Veliajt, barrë për qytetarët”/ Tomorri:

Gazetari Klodian Tomorri ka folur për hetimet që po kryhen ndaj kryebashkiakut Erion Veliajt duke thënë se tashmë janë kthyer në një barrë të madhe për qytetarët, pasi bashkia është në një kolaps, drejtorët nuk firmosin, shtyhen procedurat e të tjerë.

Tomorri deklaron se është momenti që SPAK-u të veprojë dhe të marrë një vendim në lidhje me kryebashkiakun Erion Veliaj.

“Mënyra se si po trajtohen hetimet ndaj Erion Veliajt po bëhet një barrë shumë e madhe për njerëzit. Dhe Bashkia e Tiranës qeveris 1 milion njerëz.

Tani aty është në kolaps çdo gjë. Drejtorët nuk firmosin. Njerëzit ankohen se në bashki prej muajsh nuk mbyll dot punë dhe duhet të zvarritesh edhe për procedura idiote.

Tani me dhjetëra drejtorë të arrestuar ose nën hetim, me kryetarin e bashkisë nën hetim, është normale që aty do të bllokohet aparati burokratik.

Por mileti nuk ka pse të heqë këto lloj kusuresh. Këta të SPAK-ut duhet të vendosin, ose të veprojnë nëse kanë fakte dhe të bëjnë ça kanë për të bërë, ose të pushojnë çështjen dhe të vazhdojë jeta përpara.

Se kështu me gjërat as në ajër, as në tokë nuk është muhabet ky.

Në media dalin lajme çdo ditë, pritet masë ndaj Veliajt, u gjet kjo nga kontrolli këtu, u gjet ajo nga kontrolli aty.

Bashkia e Tiranës është institucioni më i rëndësishëm i vendit. Është gati njësoj si qeveria. Nuk mbahen peng 1 milion njerëz. Ndajeni mendjen. Ose veproni po keni fakte ose pushoni çështjen po nuk keni. Mos mbani miletin peng pafundësisht.

Se e njëjta histori është edhe me inceneratorin. Kanë dy vjet që e mbajnë të sekuestruar dhe nuk e ndajnë mendjen. Ose çojeni në gjykatë dhe konfiskojeni, merreni në pronësi shtetërore ose kthejani kompanisë. Por jo as mish, as peshk.

Dhe kësaj kanë për t’i dalë krismat më vonë. Po të qe se menaxhoheshin gjërat mirë me agjencinë e sekuestrimit nuk do kishim asnjë institucion shtetëror apo kompani publike ne. Do kishim vetëm një agjenci sekuestrimi. Po nuk është muhabet ky”, shkruan Tomorri./ CNA





Lajmet e fundit nga