web counter
LEXO PA REKLAMA!

SHKARKO APP

App Store
Google Play

E fundit!

x

Problemi me dokumentet e identifikimit/ Kaso kërkon zgjidhje nga Kuvendi

23 Janar 2025, 12:36, Politikë CNA

Problemi me dokumentet e identifikimit/ Kaso kërkon zgjidhje nga Kuvendi

Përfaqësuesi ligjor i Partisë Demokratike, Ivi Kaso, ka shprehur sot shqetësimin mbi problemin e mosvlefshmërisë së dokumenteve të identifikimit të zgjedhësve shqiptarë.

Në një deklaratë për mediat për këtë çështje në lidhje me zgjedhjet e 11 majit 2025, Kaso tha se nuk ka arsye që një shtetas të mos votojë vetëm se i ka skaduar dokumenti i identifikimit ose ka një dokument të vjetër.

Kaso kërkoi që kjo çëshjte të trajtohet nga Kuvendi, për të dhënë një vendim që do të shërbejë për këto zgjedhje dhe për zgjedhjet e radhës.

“Nuk ka arsye ligjore të mos implementohet në proces zgjedhor që zgjedhësit të mos votojnë vetëm se u ka skaduar dokumenti identifikues ose kanë një dokument të vjetër.

Nuk duhet mohuar kjo e drejtë për të votuar. Kjo e drejtë duhet të jetë e barabartë.

Ky shqetësim ngrihet përsëri tani, nuk ngrihet për herë të parë nga PD, sepse është shqetësim përderisa është interesi madhor ndaj shtetasve shqiptarë.

Nuk është avantazh elektoral i opozitës. Opozita ka vendosur që të mos shohë interesat elektorale, por interesat e votuesve shqiptarë.

Kërkojmë zgjidhje për votuesit nga jashtë. Tani është detyrë e Kuvendit të marrë masa për këtë proces zgjedhor, por edhe për proceset e ardhshme”, - tha Kaso./ CNA





Lajmet e fundit nga