web counter
LEXO PA REKLAMA!

SHKARKO APP

App Store
Google Play

Thirrje për emigrantët dhe diasporën/ Berisha: Votoni për të shpëtuar Shqipërinë

23 Janar 2025, 11:05, Politikë CNA

Thirrje për emigrantët dhe diasporën/ Berisha: Votoni për

Kryetari i Partisë Demokratike, Sali Berisha, ka ndarë një thirrje për emigrantët dhe diasporën. Berisha u ka kërkuar emigrantëve të votojnë për të shpëtuar Shqipërinë.

Në mesazhin e tij, Berisha tha se vlera e euros ka rënë, çmimet e ushqimeve dhe ilaçeve janë rritur, situatë që sipas tij ka ndryshuar nga viti 2013 kur ai dorëzoi pushtetin.

Berisha akuzoi Ramën se i ka bërë shumë të këqija vendit në këto 12 vite dhe kjo gjendje në Shqipëri vjen si pasojë e parave të drogës dhe krimit.

“Të dashur miq, shqiptarë, shqiptare jashtë vendit. Në vitin 2013 kur dorëzova pushtetin, kjo monedhë 1 euro këmbehej me 140 lekë. Sot, pas 11 vitesh, kjo monedhë këmbehet me 98 lekë. Paratë e drogës dhe larja masive e parave të krimit në Shqipëri, ka shtrirë përdhe monedhën europiane. Por gjithashtu, ka ndëshkuar rëndë remitancat tuaja. Ndihma aq të çmuara, aq jetike për familjarët tuaj. Përveç kësaj, gjatë këtyre 11 viteve, çmimet në Shqipëri të ushqimeve, ilaçeve, kanë njohur rritje stratosferike. Ato janë sipas Eurostat 10-250% më të shtrenjta sesa në vendet kryesore të BE-së. Dhe kjo, për prindërit tuaj, është një katastrofë e vërtetë. Prandaj dhe vota juaj në këto zgjedhje është e një rëndësie jetike për shpëtimin e prindërve, familjarëve tuaj, por edhe të vendit tuaj! Kështu që nga zemra ju bëj thirrje, regjistrohuni në portalin e KQZ-së, në portalin e PD-së. Votoni të gjithë në 11 maj për të shpëtuar Shqipërinë nga të këqijat e mëdha qe Edi Rama i ka bërë këtij vendi në këto 12 vite të qeverisjes së tij”, - ishte mesazhi i Berishës./ CNA





Lajmet e fundit nga