web counter
LEXO PA REKLAMA!

SHKARKO APP

App Store
Google Play

E fundit!

x

“Mos kujtoni se të huajt vijnë me krevat me vete”/ Rama, ironi me qytetarin

22 Janar 2025, 11:48, Politikë CNA

“Mos kujtoni se të huajt vijnë me krevat me vete”/ Rama,

Kryeministri Edi Rama vijoi komunikimin e radhës me qytetarët shqiptarë duke u kthyer përgjigje komenteve të tyre në rrjetet sociale.

Një prej tyre që ka zgjuar interesin e Ramës ishte komenti “Shqipëria shumë për të huajt dhe pak për shqiptarët”. Kryeminstri u shpreh se të huajt kontribuojnë drejtpërdrejtë në ekonominë e shqiptarëve.

“Po mirë seriozisht e ke? Po mirë të huajt kur vijnë këtu, e marrin ushqimin me vete apo e marrin nga tryezat e shqiptarëve. Vijnë me krevat në krah apo flenë në hotelet dhe bujtinat e shqiptarëve.

Dhe, tjetra, se është çudi e madhe kur thuhet se shqiptarët nuk bëjnë turizëm ose se në Korçë nuk ka shqiptarë të tjerë veç atyre nga Tirana. A e dini sa shqiptarë bëjnë pushime apo lëvizin për fundjava, nuk po flas për ata që shkojnë me pushime jashtë, por për ata shqipëtarë që jetojnë në Shqipëri.

Sipas INSTAT dhe jo qeverisë, 979.456 shqiptarë janë pushues vendas në hotelet dhe bujtinat e vendit gjatë vitit 2024. Ata që nuk e duan qeverinë përdorin faktin se unë qenkam jashtë realiteti, ndërsa realiteti qenka se nuk ka dritë, rrugë, ujë, bukë.

Po si shpjegohet që realiteti sipas këtyre ka qenë më i mirë deri para se të vinim ne dhe e prishëm. Shqipëria shihej si dele e zezë, dhe turistët që vinin nga jashtë ishin shumica shqiptarë emigrantë, shqiptarë të Kosovës dhe Maqedonisë.

Sot janë shtuar jo vetëm këta të fundit, por edhe miliona të huaj. Inati politik e bën njeriun të verbër, shurdh dhe tamam tifoz futbolli kur këtu kemi të gjithë një flamur, atë të Shqipërisë.

Sidoqoftë, dielli nuk mbulohet me shoshë dhe shqiptarët luftojnë dhe punojnë dhe që i vleërësojnë arritjet me luftë dhe punë, i kanë të qarta faktet dhe rrugën drejt majës së vitit 2030 në Bashkimin Europian”, përfundoi Rama. /CNA





Lajmet e fundit nga