web counter
LEXO PA REKLAMA!

SHKARKO APP

App Store
Google Play

Kredi pa interes për punonjësit e administratës/ Deputetja: Shkelje, para që po përdoren para zgjedhjeve

22 Janar 2025, 09:58, Politikë CNA

Kredi pa interes për punonjësit e administratës/ Deputetja:

Deputetja Dhurata Çupi ka deklaruar se vendimi i qeverisë për të trajtuar me kredi pa interes qindra punonjës të administratës është një shkelje flagrante e rregullave për garë të barabartë në zgjedhje.

Sipas deputetes, interesi për 530 kredi për shtëpi nuk do të paguhet as nga xhepi i Edi Ramës dhe as nga xhepi i Blendi Gonxhes, por janë para publike që po përdoren para zgjedhjeve.

Deputetja nënvizon se institucionet që duhet të ishin më aktive për të kundërshtuar aktet elektorale të qeverisë, heshtin.

“Heshtja nuk zgjidh, përkeqëson!

Vendimi i fundit i qeverisë për të trajtuar me kredi pa interes qindra punonjës të administratës përbën një shkelje flagrante të rregullave për garë të barabartë në zgjedhje. Interesi për 530 kredi për shtëpi nuk do të paguhet as nga xhepi i Edi Ramës, as nga xhepi i Blendi Gonxhes. Ato janë para publike, që po përdoren para zgjedhjeve.

Institucionet që duhet të ishin më aktivë gjatë kësaj periudhe zgjedhore për të kundërshtuar aktet elektorale të qeverisë heshtin.

KQZ bën sikur nuk shikon.

SPAK bën sikur nuk kupton.

Ligji dhe barazia zgjedhore po grisen para syve të shqiptarëve dhe partnerëve tanë, duke dëmtuar pozicionin e Shqipërisë në negociatat për anëtarësim në Bashkimin Europian.

Të tilla praktika antidemokratike, që janë bërë të zakonshme për këtë qeveri, kanë minuar besimin e qytetarëve  tek zgjedhjet, prandaj është koha që institucionet të mos bëhen palë me shkeljet e ligjit, por të reagojnë dhe të tregojnë së ligji zbatohet njësoj për të gjithë!”, shkruan deputetja Dhurata Çupi./ CNA





Lajmet e fundit nga