web counter
LEXO PA REKLAMA!

SHKARKO APP

App Store
Google Play

E fundit!

x

Tabaku u “qan” hallin emigrantëve/ U kërkon votën për zgjedhjet e 11 majit

21 Janar 2025, 13:25, Politikë CNA

Tabaku u “qan” hallin emigrantëve/ U kërkon votën

Deputetja e Partisë Demokratike, Jorida Tabaku, publikoi një video në rrjetet e saj sociale, ku analizon arsyet pse emigrantët shqiptarë pritet të mbështesin PD-në në zgjedhjet e ardhshme.

Në mesazhin e saj, Tabaku theksoi se një nga arsyet kryesore lidhet me xhepin e emigrantëve, të cilët çdo ditë punojnë dhe kontribuojnë për të mbështetur familjet e tyre në Shqipëri.

“Pak vite më parë, në vitin 2020, emigrantët shqiptarë sillnin rreth 670 milionë euro për familjet e tyre. Sot kjo shifër ka arritur në 1 miliard euro, 300 milionë euro më shumë. Por kjo nuk ndodh për shkak të një rritjeje ekonomike apo tregu, por si rezultat i pastrimit të parave që ka zhvlerësuar euron”.

Më tej, Tabaku u ka “qarë hallin” shqiptarëve që jetojnë jashtë, punojnë më shumë, lodhen më shumë, dhe dërgojnë më shumë para për familjet e tyre, për shkak të kësaj situate të krijuar nga korrupsioni dhe modeli aktual ekonomik.

Tabaku e mbylli mesazhin e saj me një thirrje për ndryshim më 11 maj, duke nënvizuar se është momenti për t’i thënë "jo" këtij modeli ekonomik dhe qeverisjes së deritanishme.

“Diaspora, e cila e ka ndier mbi supet e saj pasojat e kësaj qeverisjeje, do të kërkojë ndryshimin dhe rotacionin më 11 maj”, u shpreh Tabaku. /CNA





Lajmet e fundit nga