web counter
LEXO PA REKLAMA!

SHKARKO APP

App Store
Google Play

E fundit!

x

Seanca e parë parlamentare për vitin 2025/ Spiropali: Shqipëria me fluksin më të lartë të emigrimit

20 Janar 2025, 17:39, Politikë CNA

Seanca e parë parlamentare për vitin 2025/ Spiropali: Shqipëria

Ditën e sotme nisi seanca e parë parlamentare për vitin 2025. Në fjalën e saj, Kryetarja e Kuvendit foli për votën e Diasporës që voton për herë të parë në zgjedhjet e 11 majit. Spiropali, falenderoi të gjithë deputetet që bënë të mundur që këtë herë të votojë edhe Diaspora.

“Fillojmë sot punimet e sesionit të tetë, njëkohësisht dhe sesioni i fundit i legjislaturës së Kuvendit të Shqipërisë. Nesër është 21 janar, dita e themelimit të paralamentizmit shqiptar.

Nga Lushnja nisi konsolidimi i Shqipërisë së pavarur, parlamentare dhe republikane. Kongresi miratoi statutin e Lushnjës, një ligj kushtetues dhe disa ligje të tjera të ndryshme. Kongresi nisi ndërtimin e administratës shtetërore. Ju ftojmë të shprehim mirënjohjen për burrat shqiptarë.

Ndryshimi nga Kuvendit të Shqipërisë i legjislacionit zgjedhor dhe krijimi i mundësisë që shqiptarët e diasporës të votojnë për Kuvendin nga vendet pritëse është një arritje për legjislaturën.

Falënderoj të katërt grupet parlamentare dhe të gjithë deputetët në këto ndryshime të legjislacionin zgjedhor. Me realizimin e tyre iu përgjigjëm një nevoje të natyrshme të konsolidimit të demokracisë.

Shqipëria, prej fillimit të viteve ’90, është një nga vendet me fluksin më të lartë emigrimi. Motrat dhe vëllezërit tanë emigrantë në vendet fqinje, Itali e Greqi, në vendet e Bashkimit Europian, në SHBA, Kanada e deri në Australinë e largët shquhen për punën e tyre të palodhur”. /CNA





Lajmet e fundit nga