web counter
LEXO PA REKLAMA!

SHKARKO APP

App Store
Google Play

E fundit!

x

“Lidhja me Shqipërinë mbetet e fortë ndaj ndryshojeni atë”/ Boçi takon emigrantët në Athinë

20 Janar 2025, 20:44, Politikë CNA

“Lidhja me Shqipërinë mbetet e fortë ndaj ndryshojeni

Deputeti i Partisë Demokratike, Luçiano Boçi ishte në Athinë në kuadër të fushatës me emigrantët që jetojnë jashtë kufijve të Shqipërisë dhe që do të kenë mundësinë të votojnë në zgjedhjet parlamentare të 11 majit.

Nëpërmjet një postimi në rrjetet sociale, Boçi theksoi se vota e Diasporës është shumë e rëndësishme për ndryshimin që të gjithë dëshirojnë.

“Nga takimi mbreslënës me bashkatdhetarët tanë, Bashkia DHAFNI, Athinë.

Nga ky takim ata dolën me thirrjen drejtuar të gjithë shqiptarëve ne Greqi dhe kudo që janë:

Të dashur bashkëatdhetarë,

Këto ditë ndodhemi para një momenti të rëndësishëm për vendin tonë dhe të ardhmen tonë.

Diaspora jonë, si një fuqie e madhe dhe e lidhur ngushtë me atdheun e vendin, ka gjithmonë luajtur një rol të rëndësishëm në zhvillimin e shoqërisë sonë.

Vota juaj është më shumë se një detyrim; ajo është një mundësi për ta frymëzuar dhe mbështetur ndryshimin që ne të gjithë e dëshirojmë.

Partia Demokratike sot ofron një program dhe një vizion që është në harmoni me aspiratat dhe nevojat e qytetarëve dhe të diasporës.

Ajo përfaqëson një alternativë e vizion që dëshiron të ndihmojë në ndërtimin e një të ardhmeje më të ndritshme për vendin tonë.

Me votën tuaj, ju mund të jepni mbështetje për një qeverisje më transparente, për reforma që do të sjellin zhvillim ekonomik dhe për një shoqëri më të drejtë dhe të barabartë për të gjithë.

Ne e dimë se jemi shpërngulur në vende të ndryshme, por lidhja jonë me vendin tonë është e fortë.

Le të përdorim këtë lidhje për të ndihmuar në ndërtimin e një të ardhmeje më të mirë.

Vota juaj është një mundësi për të bërë ndryshimin e nevojshëm, për të mbështetur ata që kanë vizionin dhe guximin të japin një zë për të gjithë ne.

Prandaj, ju lutem, angazhohuni, informohuni dhe në ditën e zgjedhjeve, bëni zgjedhjen tuaj.

Votojeni PD dhe jepni një mesazh të qartë se së bashku, mund të sjellim ndryshimin që na nevojitet.

Faleminderit!”. /CNA





Lajmet e fundit nga