web counter
LEXO PA REKLAMA!

SHKARKO APP

App Store
Google Play

E fundit!

x

“Nëse mendoni se do të lodhet, ja fusni kot..”/ Arjan Çani: Rama, rast studimi

21 Janar 2025, 13:45, Politikë CNA

“Nëse mendoni se do të lodhet, ja fusni kot..”/ Arjan

Gazetari Arian Çani ka folur për kryeministrin Edi Rama duke zbuluar çfarë e dallon nga personazhet e tjerë politikë.

Çani tha se Edi Rama e ka dashur pushtetin më shumë se të gjithë politikanët e tjerë.

“Personi që mori pushtetin në vitin 2013, Edi Rama e do dhe e ka dashur pushtetin më shumë se të gjithë aktorët e tjerë politikë. Pushtetin ky e ka dashur që në vitet e hershme të rinisë së tij. Që në vitin 1991, kur bëri takimin me Sali Berishën”, - tha Çani.

Gjithashtu, gazetari i njohur ka kujtuar Edi Ramën si personazh në fillim të viteve`90-të dhe se si diskutohej për të në rrethin e gazetarëve të kohës.

“Mbaj mend që në rrethin tonë të gazetarëve e diskutonim shpeshherë se çfarë është ky lloj njeriu, ka një tip shumë të veçantë.
Ai gjithmonë ka dashur të shquhet, të dallohet, të mos ishte si të tjerët. Sigurisht, suksesi i tij vjen edhe nga karakteri që ka, ai arrin të bëjë diçka që të gjithë e duam, por jo të gjithë mund ta bëjnë dot. Edi Rama është super i zoti. Rama ka një ambicie të tejskajshme.”

Ndërsa për ish-kryeministrin dhe kryetarin e PD Sali Berisha, tha:

“Edhe Sali Berisha e do shumë pushtetin, por nuk ishte i zoti që ta zgjaste aq shumë sa Edi Rama. Kjo e ndryshon Edi Ramën nga gjithë të tjerët.
Di ta mbajë dhe ta zgjatë pushtetin. Të gjithë ata që mendojnë se ky njeri një ditë do të lodhet dhe do të largohet, më vjen keq, por ja fusin kot".

Më tej shtoi për Ramën se është rast studimi. 

“Nuk lodhet, sepse politika është i vetmi ushqim për Edi Ramën. Edi Rama është mirë kur është keq. Sa herë që situata është e qetë, Rama krijon një krizë. Edi Rama është një rast për t’u studiuar”, - tha Arian Çani./ CNA





Lajmet e fundit nga