web counter
LEXO PA REKLAMA!

SHKARKO APP

App Store
Google Play

E fundit!

x

"Aty ku i gjen Veliaj paratë, i gjen dhe Lapaj"/ Goxhaj: Partia e tij ka kryetar tjetër

21 Janar 2025, 22:35, Politikë CNA
"Aty ku i gjen Veliaj paratë, i gjen dhe Lapaj"/ Goxhaj: Partia e
Kreu i partisë “Aleanca Konservatore për Shqipërinë”, Altin Goxhaj

Kreu i partisë “Aleanca Konservatore për Shqipërinë”, Altin Goxhaj ka folur për zgjedhjet parlamentare të 11 majit si edhe për partitë e reja politike, përfshirë edhe atë të Adriatik Lapajt.

I ftuar në një emision televiziv, Goxhaj u shpreh se e vetmja forcë politike që nuk duhet të votohet në zgjedhje është ajo e drejtuar nga Adriatik Lapaj.

Ndërkaq Goxhaj theksoi se partia “Shqipëria Bëhet” nuk ka kryetar Adriatik Lapajn, por Andi Dobrushi.

Jo vetëm kaq, Goxhaj u shpreh se partia e drejtuar nga Lapaj është e financuar nga Sorosi dhe sipas tij është krijuar për të mbajtur nën kontroll elektoratin gri.

"Kryetari i vërtetë i Lëvizjes “Shqipëria Bëhet” nuk është Adriatik Lapaj, por Andi Dobrushi.Kam katër vjet që pres Lapajn, për paratë e tij dhe mbi të gjitha për Sorosin që shpiku partinë e Tikut dhe Tikun vetë për të kontrolluar elektoratin gri.

Ditën e parë që Tiku do themelonte partinë e vet tha se do bënte transparente paratë dhe kurrë nuk i bëri. Aty ku i gjen Veliaj i gjen dhe Tiku. Sorosi krijoi dhe Tikun dhe partinë e tij. Andi Dorbushi është kryetari i vërtetë i partisë së Tikut."

 





Lajmet e fundit nga