web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për Akademinë e Shkencave/ Zhupa: Kushtetuesja vazhdon të jetë "e sëmurë"

22 Janar 2025, 11:37, Politikë CNA

Shtyhet seanca për Akademinë e Shkencave/ Zhupa: Kushtetuesja vazhdon

Deputetja Ina Zhupa ka bërë me dije se seanca e ditës së sotme për shfuqizimin e ligjit për Akademinë e Shkencave është anuluar dhe e radhës do të mbahet në datën 28 janar në orën 10:00.

Shkak i shtyrjes së seancës ka qenë mungesa e gjyqtarit për arsye shëndetësore.

Zhupa u shpreh se Kushtetuesja vazhdon të jetë e sëmurë jo vetëm për këtë çështje, por edhe për të tjera.

“Është sëmurë gjyqtari dhe për këtë asrye duhet të anulonim seancën. Gjyqtari do ketë lajmëruar që në mëngjes. Kushtetuesja po vijon 'e sëmurë' si në këtë seancë ashtu dhe në çështjet e tjera.

Kishim marrë të gjitha provat për të argumentuar diçka themelore.

Të gjithë duhet të jenë të barabartë para ligjit. Duhet të shihen procedurat parlamentare që janë ndjekur për të miratuar ligjin. Çdo procedurë që bëhet në kundërshtim të rregullave është nul. Të gjitha procedurat janë bërë në shkelje.

Do vazhdojmë betejën. Nuk është një betejë kundër një personi, por për institucionin.

Akademia e Shkencave duhet të jetë e pavaruar dhe çdo akademik duhet të jetë i barabartë para ligjit”, tha Zhupa./ CNA





Lajmet e fundit nga