web counter
LEXO PA REKLAMA!

SHKARKO APP

App Store
Google Play

Anijet me mbetjet toksike/ Muçollari: Ministrat e Ramës lejuan krimin mjedisor

22 Janar 2025, 12:24, Politikë CNA

Anijet me mbetjet toksike/ Muçollari: Ministrat e Ramës lejuan

Anëtari i Kryesisë në Partinë Demokratike, Grigels Muçollari, ka akuzuar sot ministren e Mjedisit, Mirela Kumbaro, dhe ministrin e Mbrojtjes, Pirro Vëngu, se kanë lejuar krimin mjedisor në Shqipëri.

Sipas tij, marrja e 102 kontejnerëve me mbetje janë dëshmi e trafikut ilegal ndërkombëtar të mbetjeve të rrezikshme.

Muçollari thotë se mbetjet e sjella në Porto Romano dhe në Portin e Durrësit përbëjnë shkelje të ligjeve kombëtare dhe ndërkombëtare.

 “Kur ende nuk ka asnjë transparencë për 102 kontejnerët me mbetje të rrezikshme, me dyshimin se janë lëndë toksike, të mbyllura tanimë në Porto Romano, raportime të reja tregojnë se sa thellë është përfshirë qeveria në atë që njihet si trafik ilegal ndërkombëtar i mbetjeve të rrezikshme.

Ashtu siç kemi denoncuar vazhdimisht nga terreni dhe nga kjo foltore, sasia e kapur, e kthyer mbrapsht, në korrik të vitit të kaluar, nuk ishte e vetmja ngarkesë e nisur nga porti i Durrësit.

Agjencia 'Birn' thotë se bazuar në informacionet e siguruara përmes kërkesave për të drejtë informimi, ka zbuluar se mes viteve 2020 dhe 2023, një sasi prej rreth 20 mijë tonë mbetjesh të rrezikshme të gjeneruara në Shqipëri ishin eksportuar jashtë vendit, në shkelje të ligjeve kombëtare dhe ndërkombëtare.

Një trafik i tillë, një krim i tillë nuk mund të bëhet pa bekimin e Kryeministrit.

Megjithatë, dy janë përgjegjësit direkt në këtë aferë.

Ministrja e Mjedisit, Mirela Kumbaro, dhe Drejtori i Portit të Durrësit në këto vite, sot ministër i Mbrojtjes, Pirro Vëngu.

Mirela Kumbaro ka lejuar, me firmat e licencat e saj, dhe me mosveprimin që ky krim të ndodhë.

Pirro Vëngu ka vënë në dispozicion infrastrukturën e Portit më të madh të vendit, që ky krim të ndodhë.

Ne e dimë që të dy këta kanë mbrojtjen e Edi Ramës dhe prokuroria e Durrësit që ka nisur hetimin nuk ka asnjë shans të mbërrijë tek ta.

Ky krim i rëndë, që parashikon penalitete të forta për Shqipërinë nga Konventa e Bazelit, shkon edhe një shkallë më lart kur dy zyrtarët që kanë lejuar aferën të ndodhë, dhe dyshimi është se kanë përfituar prej saj, do të mbeten pa u hetuar, pa shkuar para ligjit.

Edi Rama qeverisi 12 vite me trafiqe. Me trafik droge ku ngriti të parin narkoshtet në Europë, dhe tani është zbuluar dhe trafiku ilegal ndërkombëtar i mbetjeve të rrezikshme.

Vota e 11 majit ka rëndësi jetike për ta shpëtuar mjedisin, për të ofruar siguri e garanci për shëndetin e qytetarëve, për të ndalur një herë e mirë krime të tilla të shëmtuara e me pasoja të rënda për jetën e shëndetin e shqiptarëve.”/ CNA





Lajmet e fundit nga