E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

"Kryetar grupi që ka firmosur kallëzim për nënkryetarin"/ Balla ironizon Bardhin: Pusho, se ti hipën lart dhe zbret poshtë

27 Janar 2026, 13:54, Politikë CNA

Kryetari i Grupit Parlamentar të Partisë Socialiste, Taulant Balla, në seancën e sotme plenare nuk ka kursyer ironitë ndaj opozitës, më konkretisht ndaj homologut të tij demokrat, Gazment Bardhi.

Balla i tha opozitës që gjatë muajit janar është mirë të mos përmendin protesta dhe dhunë, pasi shqiptarëve u kujtohet 8 janari i vitit 2022.

Drejtuar Bardhit, Balla i tha se ai është një njeri që ke qenë sa te krahu lart pastaj te krahu poshtë, referuar faktit që Bardhi dikur ishte njeriu i Lulzim Bashës e më pas kaloi me Berishën.

Sa i përket protestës së 21 janarit, Balla tha se kishin nxjerrë një që godiste Kryeministrinë dhe i dukej vetja si Chuck Norris dhe ata që i financuan duhet të mbjanë përgjegjësi.

“Dule ka marrë mandatin qyl nga votat e demokratëve. Zoti Dule u ankua në emër të demokratëve, për atë që ka bërë policia në protestën e fundit. Në gjë duhet të dini mirë ju pak demokratë që keni ngelur në sallë, të paktën gjatë muajit janar është mirë të mos përdorni fjalën protestë dhe dhunë, se shqiptarëve u vjen në mendje 8 janari 2022. Datë ku ca prej jush luftonit me ca të tjerë prej jush. 18 protestues nga krahu i Sali Berishës akuzoheshin se kishin përdorur trapan, leva, çekiçë. Nga krahu i Bashës thuhet se është përdorur gaz lotsjellës.

Pusho se ti ke qenë te krahu lart pastaj zbrite te krahu poshtë. Se ti hipën lart dhe zbret poshtë. Zonja kryetare e seancës është një zhurmues, mbylljani pak gojën. E vërteta dhemb dhe kur je lart dhe kur zbret poshtë.

Kishit qitur njërin me kokën mbuluar dhe i dukej vetja si Chuck Norris që po godiste Kryeministrinë. Ca lapanjozë kishin marrë urdhra për të goditur institucionet. Këta lapanjozët nuk ka parti politke që i merr në mbrojtje sepse kushdo që i ushqen me para për të goditur instiucionet duhet të mbajë përgjegjësi. Kjo parti politike bashkë me një matuf do mbajë përgjegjësi për këtë lloj inspirimi.

Ti ke bërë kallëzim për ata 18 që përmenda unë, do mbash përgjegjësi se njerëzit mbajnë përgjegjësi për fytyrën e tij. Kryetar grupi që ka firmozur kallëzim penal për nënkryetarin e grupit”, tha Balla.