web counter
LEXO PA REKLAMA!

SHKARKO APP

App Store
Google Play

Përkujtimi i Holokaustit/ Spiropali: Shqipëria në kodin e saj moral gjeti forcën për të nderuar jetën

27 Janar 2026, 11:00, Politikë CNA

Përkujtimi i Holokaustit/ Spiropali: Shqipëria në kodin e saj

Ministrja për Europën dhe Punët e Jashtme, Elisa Spiropali, mori pjesë në aktivitetin përkujtimor me rastin e Ditës Ndërkombëtare të Përkujtimit të Holokaustit, nën temën “Ura që lidh brezat”.

Ceremonia u zhvillua në Ministrinë për Europën dhe Punët e Jashtme, ku nisi me mbjelljen e një peme ulliri, simbol i paqes, kujtesës dhe vazhdimësisë.

Spiropali risolli në vëmendje fjalën e Kryeministrit Rama në Parlamentin e Izraelit për të dëshmuar forcën e humanizmit të shqiptarëve me aktin e shpëtimit të hebrenjve gjatë Holokaustit.

Ministrja tha se strehimi i hebrenjve në Shqipëri është maja morale që duhet të dëshmohet kudo, por nuk është rasti i vetëm i mbrojtjes së të huajve.

 

"Dje, në seancën historike të mbajtur në Knesset, Kryeministri Edi Rama riktheu në vëmendjen e të gjithëve shembullin e jashtëzakonshëm të dritës shqiptare gjatë kapitullit më të errët të njerëzimit, Holokaustit. 'Arin po, hebrenjtë jo', ishte në vitin 1943, përgjigjja e dhënë përballë ultimatumit të Gjermanisë Naziste, nga populli dhe autoritetet shqiptare. Shqipëria ishte i vetmi vend në Europë, që përfundoi luftën me 15-fish më shumë hebrenj nga sa e nisi. Në një kohë kur edhe vende shumë më të pasura e të ashtuquajtura më të qytetëruara ranë pre e një flame totalitare që i zhveshi nga kodet njerëzore e morale, Shqipëria pikërisht në kodin e saj moral gjeti forcën për të mbrojtur të ndryshmin dhe për të nderuar jetën. Ne jemi krenarë për këtë majë morale që meriton të dëshmohet kudo, por që nuk është e vetmja në historinë tonë të strehimit dhe mbrojtjes së të huajve e të njerëzve në nevojë", tha Spiropali./CNA





Lajmet e fundit nga