web counter
LEXO PA REKLAMA!

SHKARKO APP

App Store
Google Play

"19 projektligje në një seancë, për të hedhur hi syve"/ Boçi-mazhorancës: Parlamentin po e bëni të çmendur

27 Janar 2026, 10:48, Politikë CNA

"19 projektligje në një seancë, për të hedhur hi

Nënkryetari i Partisë Demokratike, Luçiano Boçi, në seancën e sotme plenare tha se një sërë projektligjesh shumë të rëndësishme në një seancë të vetme.

Boçi i tha mazhorancës se po e bën Parlamentin të çmendur dhe qesharak.

Nënkryetari i PD-së u shpreh se të gjitha projektligjet pjesë e seancës së sotme mund të kërkonin seancë më vete.

Futjen e 19 projektligjeve në një seancë, Boçi e quajti si tentativë për t’u hedhur hi sy shqiptarëve.

 

“Sot po e shoh që kjo hapësirë, jo pa arsye, po bëhet tërësisht e çmendur. Sepse ju listuat një seri projektligjesh, shumë të rëndësishme. Dhe të gjitha këto projektligje i keni ndërkallur, ndërfutur, përmbledhur në një seancë të vetme.

Dhe kjo është komplet pa arsye sepse dhe krahasimi me hapësirën e çmendur është i logjikshëm në këtë rast. Por, ajo hapësira e çmendur përtej Parlamentit ka një arsye objektive. Është pa dashje. Po të bëhesh i çmendur me dashje, bëhesh qesharak. Ka shumë forma për t'u bërë qesharak. Këtë Parlament po e bëni të çmendur dhe qesharak, njëkohësisht. Sepse ato projektligje që listuat, që ne i kemi përpara, secili prej tyre mund të kërkonte seancë më vete.

Nuk po themi këtë gjë, nuk e kërkojmë, është ekstrem, po të fusësh 19 projektligje kaq të rëndësishme në një seancë, është për t'i kaluar kot, për t'u hedhur hi syve shqiptarëve, publikut”, tha Boçi./CNA





Lajmet e fundit nga