web counter
LEXO PA REKLAMA!

SHKARKO APP

E fundit!

x

“Duhen përshtatur me direktivat e KE-së”/ Shtyhet shqyrtimi i 4 projektligjeve

27 Janar 2026, 10:57, Politikë CNA

“Duhen përshtatur me direktivat e KE-së”/ Shtyhet

Shtyhet shqyrtimi i katër projektligjeve të përcaktuara në rendin e ditës në Kuvend. 

Kërkesa u bë sot nga kreu i Grupit Parlamentar të Partisë Socialiste, Taulant Balla. 

Në fjalën e tij gjatë seancës plenare, Balla u shpreh se kjo kohë shtesë është e nevojshme pasi këto projektligje duhen rakorduar fjalë për fjalë me direktivat e KE-së.

“Ndoshta do të duket sikur kemi bërë ndonjë marrëveshje, po edhe në funksion të asaj që tha kolegu, bazuar në rregullore, do të kërkoja shtyrje për 1 javë të shqyrtimit të 4 projektligjeve në rendin e ditës. Janë projektligje që duhen rakorduar fjalë për fjalë për KE-në dhe i propozoj seancës që projektligjet:

-Projektligji 'Për disa shtesa dhe ndryshime në ligjin nr. 8874, datë 29.3.2002', 'Për kontrollin e lëndëve që përdoren për fabrikimin e paligjshëm të lëndëve narkotike dhe psikotrope';

-Projektligji 'Për disa shtesa në ligjin nr. 7975, datë 26.7.1995, 'Për barnat narkotike dhe lëndët psikotrope', të ndryshuar';

-Projektligji 'Për parandalimin e konfliktit të interesave në ushtrimin e funksioneve publike';

-Projektligji 'Për disa shtesa dhe ndryshime në ligjin 10221, datë 04.02.2010 'Për mbrojtjen nga diskriminimi';

Kemi sjellë dy kërkesa për një shtesë për përbërjen e komisioneve të përhershme dhe përcaktimin e anëtarëve zëvendësues”,-tha Balla./CNA





Lajmet e fundit nga