web counter
LEXO PA REKLAMA!

SHKARKO APP

App Store
Google Play

E fundit!

x

Të arrestuarit nga protesta e opozitës/ Këlliçi: Mishërim i grupit kriminal që ka kapur shtetin

27 Janar 2026, 11:11, Politikë CNA

Të arrestuarit nga protesta e opozitës/ Këlliçi:

Deputeti demokrat, Belind Këlliçi, akuzoi sot qeverinë dhe kryeministrin Edi Rama për mbajtjen nën arrest të disa të rinjve protestues të opozitës nga 24 janari.

Në një deklaratë për gazetarët para Gjykatës së Tiranës, Këlliçi u shpreh se akti është mishërim i një grupi kriminal që ka kapur shtetin.

Këlliçi tha se as kjo formë nuk do të krijojë stepje për të dalë në protestë, përkundrazi, në protestën e radhës do të mblidhen më shumë.

“Është një trupë që përbëhet nga banditë dhe jo nga policë. Ajo që ka ndodhur është mishërim i këtij grupi kriminal që ka kapur shtetin. Janë fikur dritat në protestë, janë marrë të rinj dhe janë shoqëruar me makina të thjeshta, jo policie.

Këto masa janë në disproporcionalitet të plotë, pasi këta të rinj nuk kanë kryer asnjë akt dhune. Bëhet për të stepur të rinjtë për të mos dalë në protestë.

Do të ketë më shumë të rinj në protestë. Jam i bindur që kjo vetëm ka motivuar qytetarët dhe të rinjtë që të dalin në protestën e radhës. Rama po përpiqet të normalizojë korrupsionin, por vëmendja e mediave të paguara nga shqiptarët është për të zhvendosur fokusin nga problemet.

Këta të rinj, jam i bindur, se do të jenë pranë familjeve dhe protesta e radhës do të jetë me temperatura më të larta se kjo që kaluam”,-tha Këlliçi./CNA





Lajmet e fundit nga