web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e SPAK-ut për Ballukun/ Manja: Nuk ka rrethana të reja që të kërkohet arresti

9 Mars 2026, 10:42, Politikë CNA

Kërkesa e SPAK-ut për Ballukun/ Manja: Nuk ka rrethana të reja

Deputeti socialist, Ulsi Manja, i caktuar si relator për Grupin Parlamentar të PS-së për raportin lidhur me çështjen e zëvendëskryeministres Belinda Balluku ndau detaje nga qëndrimi i mazhorancës.

Në fjalën e tij, Manja u shpreh se deri më tani nuk ekzistojnë rrethana të reja e as vepra të tjera penale nga hetimet, që të çojë në rëndesë të masës së sigurisë, teksa shtoi se nuk ka rrezik për prishje provash.

“Rrethanat faktike të çështjes janë të tilla që në gusht e shtator 2024 dhe qershor 2025 janë tri kallëzime penale për veprën e ‘shkeljes së barazisë në tenderë’. Lidhur me rëndimin e masës së sigurimit, kjo dispozitë kërkon ekzistencën e rrethanave të reja që pamundësojnë zhvillimin e rregullt të procedimit penal. Në vlerësimin tonë, nëse zgjerimi i hetimit kërkon ndryshimin e masës me arrest, atëherë çdo njeri do të përfundonte në paraburgim. Ama natyra e veprës penale mbetet e njëjta dhe nuk ka një vepër të re. Mbi rrezikun e prishjes së provave, sot që flasim nuk ka një akuzë për pengim të drejtësisë. Nuk ka asnjë provë direkte apo indirekte, ku Balluku të ketë përdorur ndikimin e saj për të prishur provat që ka në dispozicion. Vepra ndaj saj është me natyrë administrativo-penale”./CNA





Lajmet e fundit nga