“Spekulimet për sulm Iranian në Shqipëri”/ Rama: Ndryshe nga të tjerët, ne të keqen e kemi brenda vendit

8 Mars 2026, 09:48, Politikë CNA

“Spekulimet për sulm Iranian në Shqipëri”/ Rama:

Kryeministri Edi Rama ka hapur episodin e sotëm të podcastit të tij “Flasim” me një urim për gratë në Ditën Ndërkombëtare të Gruas. Ai tha se roli i gruas gjatë qeverisjes në dekadën e fundit ka qenë një rol i mbështetur në mënyrë të posaçme.

“Roli i grave ne jetën publike dhe shoqërore ka qenë një rol i adresuar dhe i mbështetur në mënyrë të posacme në këtë dekadë të qeverisjes sonë. Nuk më mbetet veccse të uroj gëzuar 8 marsin për të gjitha gratë shqiptare. Jo vetëm ti falenderoj për gjithccka bëjnë por uroj që pjesëmarrja dhe angazhimi i tyre të rritet”, tha Rama.

Më tej kreu i qeverisë, foli për pjesëmarrjen e Shqipërisë në panairin e turizmit në Berlin, ku tha se kjo është një shenjë se sezoni turistik që do të vijë do të jetë edhe më i suksesshëm.

“Një moment i rëndësishëm i kësaj jave ishte pjesëmarrja e shqipërisë në panairin e turizmit në Berlin. Vjet Shqipëria u ftua në Berlin si vendi që u vu në piedestal. Këtë vit nga data 3-5 mars, Shqipëria u riprezantua në atë panair si destinacioni autentik mesdhetar. Më mbi 100 mijë pjesëmarrës, panairi i Berlinit mbetet një nga skenat më të jashtëzakonshme të turizmit. Pjesëmarrja e Shqipërisë aty është shenjë që tregon se sezoni që po vjen do të jetë dhe më i suksesshëm”, tha Rama.

Kreu i qeverisë ka komentuar edhe situatën në Lindjen e Mesme. Ai tha se në ktë situatë prioritet për Shqipërinë është siguria e shqiptarëve në rajon.

Lidhur me spekulimet se Shqipëria mund të goditet nga Irani, Rama tha se janë vetëm dezinformime nga ajo që ai ju referua se “e keqja brenda vendit tonë”. Ai shtoi se Shqipëria është anëtare e NATO-s dhe shpëjtësia e reagimit sicc u pa në Turqi vlen për të gjitha vendet anëtare të aleancës.

"Edhe në jemi të prekur jo fizikisht por politikisht, shpirtërisht nga zhvillimet në Lindjen e Mesme dhe nga përshkallëzimi në një rajon ku kemi miqësi të fortë më Izraelin dhe vendet e Gjirit Persik. Këto vende kanë qenë në rrezen e agresiuonit të Iranit. Situata mbetet e ndërlikuar dhe vështirë të shihet fundi i një offensive të nisur me të drejtë nga SHBA dhe të koordinuar me Izraelin. Në këtë moment edhe për ne, prioritet është siguriua e shqiptarëve në ato vende. Përfaqësitë tona diplomatike ne rajon janë në kontakt të vazhdueshëm me ne dhe autoritetet vendase. Çështja kyç e fluturimeve mbetet sfiudë për të gjithë. Ne jemi solidarë me të gjitha vendet e prekura përfshirë Qipron që u godit por edhe Turqinë që po ashtu u tentua të goditej. Sa i takon Shqipërisë ka pasur lloj lloj spekulimesh, por ndryshe nga vendet e tjera të keqen më të madhe ne e kemi brenda. Burimin më të madh të gënjeshtrave dhe dezinformimit, e kemi këtu. Dhe nga këtu është prodhuar edhe një seri lajmesjh për gjoja mundësinë e sulmit mbi Shqipërinë. Por ju kujtoj se Shqipëria është anëtare e NATO-s dhe shpëjtësia e reagimit sicc u pa në Turqi vlen për të gjitha vendet anëtare të aleancës", tha Rama. /CNA