web counter
LEXO PA REKLAMA!

SHKARKO APP

App Store
Google Play

Largimi i Elisa Spiropalit/ Klodian Tomorri: Rama vrau dy zogj me një gur

5 Mars 2026, 20:24, Politikë CNA

Largimi i Elisa Spiropalit/ Klodian Tomorri: Rama vrau dy zogj me një gur

Gazetari Klodian Tomorri komentoi sot largimin nga detyra të ish-ministres së Jashtme, Elisa Spiropali.

I ftuar në ‘Syri Tv, Tomorri u shpreh se kryeministri Edi Rama veproi duke e lidhur me Belinda Ballukun, pasi dy ministret kishin pasur më parë disa përplasje politike.

‘Unë mendoj që Edi Rama me një gur ka vrarë dy zogj në këtë rast. E para, ja ka dhënë Elisës kusur Belindës, për shkak të përplasjeve që ato kanë patur dhe kjo është tipike.

Shiko, i ke parasysh këto bandat mafioze kur janë në luftë me njëra-tjetrën dhe takohen kryetarët për të bërë paqe apo për të bërë marrëveshje, zakonisht lëshohet një ushtar për sakrificë, për kurban. Kësaj radhe i takoi Elisës kjo punë. Kjo është arsyeja e parë.

Ndërsa arsyeja e dytë mendoj që ka një, ka një traditë të konsoliduar tashmë në mënyrën se si Edi Rama sillet me ata zyrtarë të cilët krijojnë kontakte ëh në kancelaritë e Europës apo dhe në Uashington. Dhe përgjithësisht posti i ministrit të jashtëm ta krijon, t'i krijon këto kontakte.

Po ta shikosh edhe me ministra të tjerë të jashtëm, Rama ka ndërmarrë të njëjtën masë. Ai pas një periudhe kohe i ka hequr. Duke zënë dhe vendin madje. Nuk do ta quaja xhelozi, por më shumë një lloj frike nga kontaktet që këta njerëz mund të vendosin jashtë në atë parimin e famshëm që njeriu i vetëm që duhet të komunikojë me jashtë është Edi Rama dhe askush tjetër nuk lejohet të ketë linja komunikimi.

Dhe në këtë pikë bie dakord me Belindin që solli edhe rastin e takimit në Shtëpinë e Bardhë të Spiropalit, apo takime të tjera që ajo mund të ketë patur në kancelari.

Po shiko, zërat që Elisa Spiropali ka folur kundër Belinda Ballukut qoftë në ambasadat e huaja apo ndoshta dhe në këto kancelaritë apo takime me të huajt, kanë qenë prezent gjatë kësaj kohe dhe madje Edi Rama e ka shprehur edhe publikisht kur ka thënë anglishtfolësit që sulmojnë llojin tonë, ne duhet të jemi në unitet, duhet të jemi të bashkuar”,- tha Tomorri./CNA

 





Lajmet e fundit nga