web counter
LEXO PA REKLAMA!

SHKARKO APP

App Store
Google Play

Krasniqi: Politikanët s'kanë punuar një ditë për Shqipërinë, po na marrin peng për interesat e veta

5 Mars 2026, 22:14, Politikë CNA

Krasniqi: Politikanët s'kanë punuar një ditë për

Politologu Afrim Krasniqi tha sot se figurat që përfaqësojnë shqiptarët në Kuvend dhe qeveri  janë njerëz që nuk kanë punuar as një ditë të vetme për vendin dhe qytetarët.

I ftuar në A2 CNN, Krasniqi u shpreh se këta përfaqësues jo vetëm që janë pasuruar dhe janë kthyer në individë të paprekshëm, por po marrin Shqipërinë peng për interesat e tyre personale.

“Janë njerëzit më të pasur të Shqipërisë. Janë njerëzit që s'kanë punuar një ditë për këtë vend, një ditë për qytetarët. Janë njerëzit më të pasur të Shqipërisë, më të paprekshëm të Shqipërisë. Kur kanë një hall personal, e marrin peng Shqipërinë për hallin personal. Kur familja e tyre ka një hetim, e marrin peng Shqipërinë për hallin e tyre. Kur një shtet i huaj i bën një deklaratë të kundër, gati t'i bëjnë gjyqin publik shtetit të huaj, të ndërpresin marrëdhëniet me atë shtet vetëm për të mbrojtur veten e tyre. Ne njerëzit duhet të kenë aq mençuri, aq kurajo dhe aq pavarësi sa të kuptojnë që kjo lloj politike na ka lënë peng dhe ne duhet të ndahemi nga pengjet për të parë në të ardhmen. Skena ku sot një deputet i mazhorancës kërkonte interpelancë dhe i mungonte dhe ministrja është degradimi i degradimit të parlamentit. Do të thotë që aty edhe ministrat nuk kanë pikën e drojës as nga deputetët e palës së vet, ose nga zyrtarët të lartë. Dhe kjo pyetja pse duhet të kemi ministra, pse duhet të kemi parti, pse duhet të kemi lider, pse duhet të kemi kryetar grupi, pse duhet të kemi komision e ligjeve e komisione të tjera. Kështu që është debat aq i madh sa meriton një shkundje dhe shkundja mendoj që nuk ka ndodhur ende dhe nuk shohësh dritë në fund të tunelit që ka një kjo lloj elitë politike mund prodhojë gjë më të mirë”,-deklaroi Krasniqi./CNA

 

 





Lajmet e fundit nga