web counter
LEXO PA REKLAMA!

SHKARKO APP

App Store
Google Play

Betimi i ministrave të rinj/ Berisha: Bajrami i Presidencës u bë Haram i Presidencës

6 Mars 2026, 12:52, Politikë CNA

Kryetari i Partisë Demokratike, Sali Berisha, në konferencën e tij për mediet është ndalur te betimi i ministrave të rinj ditën e sotme.

Berisha, ceremoninë e sotme në Presidencë e cilësoi si më qesharaken dhe banalen e 35 viteve të fundit.

Kryedemokrati tha se ditën e sotme Presidenti Begaj u bë Harami i Presidencës. Më tej, Berisha tha se ky akt i sotëm e bën të domosdoshëm largimin e Edi Ramës nga pushteti.

 

“Sot në Presidencë u zhvillua ceremonia më qesharake, më komike, më banale e 35 viteve të fundit. Të gjithë të emëruarit pa përjashtim janë të lidhur me 1 mijë fije me korrupsionin më të lartë qeveritar, kanë firmat e tyre të mëdha korruptive të vendit në fushën e infrastrukturës, në fushën e energjisë dhe në fusha të tjera. Sot, më shumë se kurrë, Bajrami i Presidencës u bë Haram i Presidencës me firmat që vendosi, me mungesën totale të guximit për t’i hedhur poshtë propozimet, ai u bë pjesë e një krimi permanent, të vazhdueshëm. Ndaj dhe ky akt e bën të domosdoshëm largimin e menjëhershëm të Edi Ramës nga pushteti, dorëheqjen e tij. Dhe të heqë dorë nga çdo lloj manovre për të zgjatur ditët e tij në pushtetin e krimit. Asgjë nuk e shpëton atë”, tha Berisha./CNA





Lajmet e fundit nga