web counter
LEXO PA REKLAMA!

SHKARKO APP

App Store
Google Play

Financimi i fushatave zgjedhore/ Celibashi: Ka edhe para të paligjshme, problem janë kandidatët

8 Mars 2026, 22:20, Politikë CNA

Financimi i fushatave zgjedhore/ Celibashi: Ka edhe para të paligjshme,

Komisioneri Shtetëror i Zgjedhjeve, Ilirjan Celibashi tha sot se problemi me financimin e partive dhe fushatave zgjedhore në Shqipëri lidhet me jo vetëm me paratë që dalin nga buxheti i shtetit, por edhe me paratë e padeklaruara.

Gjatë intervistës për “Euronews Albania”, Celibashi u shpreh se ekzistojnë edhe paratë e paligjshme që përdorën duke maskuar qëllimin e tyre në aktivitetet zgjedhore, teksa theksoi se qytetarët kanë të drejtë të dinë detaje nga këto shpenzime për transparencë.

“Janë para të cilat nuk janë pjesë e buxhetit të shtetit, por jepen nga individë privatë, qytetarë, apo biznese që ligji u lejon të kontribuojnë. Ekzistojnë tavanë për këto dhurime nga 500 mijë lekë për individët deri në 10 milionë lekë për kompanitë. Para të paligjshme janë ato që nuk deklarohen dhe përdoren duke maskuar qëllimin e tyre në aktivitete politike ose elektorale. Për të parandaluar abuzimet, Komisioni ka nevojë për kapacitete reale dhe bashkëpunim me institucionet e tjera për të verifikuar burimet e financimeve. Problemi kryesor lidhet me kandidatët. Shumica dërmuese e tyre nuk e dinë që kanë detyrimin të raportojnë financimet që marrin. Kjo çështje kërkon ndërgjegjësim, por edhe rregullim ligjor për të garantuar transparencë dhe kontrolle efektive”,- tha Celibashi./CNA





Lajmet e fundit nga