web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, akuza Ervin Hoxhës/ "Po tenton të fusë në konflikt qytetarët me protestuesit"

23 Dhjetor 2024, 18:00, Politikë CNA
Këlliçi, akuza Ervin Hoxhës/ "Po tenton të fusë
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, hodhi akuza nga protesta ndaj ministrit të Brendshëm, Ervin Hoxha.

Këlliçi tha se Ervin Hoxha ka tentuar të fusë në konflikt qytetarët dhe protestuesit që i janë bashkuar mosbindjes civile të thirrur nga PD-ja dhe opozita.

Ai i bëri thirrje efektivëve të Policisë së Shtetit që të mos provokojnë protestuesit, por të bashkohen në mosbindje civile me opozitën..

"Kjo është një protestë e thirrur nga PD. Faleminderit të gjithë shoferëve të makinave që shmangën tentativën e Edi Ramës dhe ministrit të tij të Brendshëm, nipit të Enver Hoxhës, për të futur në konflikt civil qytetarët e Tiranës me protestuesit e sotëm. Kemi dorëzuar shkresën dy ditë më parë në Policinë e Shtetit shkresën zyrtare për mbajtjen e protestës së sotme, kemi njoftuar orarin vendndodhjen dhe kemi zbatuar ligjin gërmë për gërmë. Tentativa sërish e sotme për të pasur gjakderdhje për të patur konflikt për tu përplasur qytetarët me njëri tjetrin dështoi në mënyrë spektakolare. Ne do vijojmë të qëndrojmë këtu sipas njoftimit të kryer deri në orën 20:00.

I bëjmë thirrje efektivëve të Policisë së Shtetit askush prej protestuesve nuk ka ardhur për t'u konfrontuar as me ju as me qytetarët. Ne ju ftojmë të na bashkoheni në mosbindje civile që rroga juaj nesër të shkojë 1200 euro. Ftojmë Policinë e Shtetit të bashkohet me këtë protestë që bëhet edhe për ju, që ju, familjet tuaja, fëmijët tuaj, të keni mundësi të jetoni me dinjitet në Shqipëri dhe të mos i shërbeni një narkoshteti të parë në Europër që drejtohet nga kreu i një karteli droge që quhet Edi Rama. Këtë e thonë dhe organizatat më të mëdha botërore të djathta dhe të qendrës së djathtë", theksoi Këlliçi./ CNA





Lajmet e fundit nga