web counter
LEXO PA REKLAMA!

SHKARKO APP

App Store
Google Play

Vendimi për mbylljen e "TikTok"-ut/ Berisha: Akt ekstrem censure!

22 Dhjetor 2024, 15:25, Politikë CNA
Vendimi për mbylljen e "TikTok"-ut/ Berisha: Akt ekstrem censure!
Kreu i PD-së Sali Berisha

Kreu i PD-së, Sali Berisha, ka reaguar pas vendimit të qeverisë për të mbyllur "TikTok"-un në Shqipëri.

Sipas liderit të opozitës ky është një akt ekstrem censure. Berisha thekson se Edi Rama vendosi ndalimin e platformës së "TikTok"-ut vetëm se aksionet e tij në mediat sociale kanë rënë përtokë, siç dëshmojnë të gjitha sondazhet dhe se nuk i blen dot këto platforma siç blen mediat në Shqipëri.

“Në një akt ekstrem censure, Edi Rama informoi dje se ka vendosur të bllokojë plotësisht platformën e 'TikTok'-ut. Sipas tij, ishte ky një shkak madhor i vrasjes së nxënësit në shkollë.

Mirëpo, kompania e 'TikTok'-ut informoi se as i ndjeri Martin, as vrasësi i tij, nuk kishin llogari në këtë platformë.

Çfarë del? Kësaj i thonë njëlloj sikur, për të mos pasur aksidente, të ndalojmë përdorimin e makinave, apo të ndalojmë përdorimin e rrugëve dhe këto janë absurditete.

E vërteta është se Edi Rama vendosi ndalimin e platformës së 'TikTok'-ut vetëm e vetëm se aksionet e tij në mediat sociale kanë rënë përtokë, siç dëshmojnë të gjitha sondazhet.

Së dyti, ai nuk i blen dot këto platforma, siç blen media të tjera në Shqipëri.

Dhe së fundmi, jemi në prag të zgjedhjeve dhe nuk toleron dot negativitetet e pasqyruara nga qytetarët në këto platforma.

Duke ju garantuar se platforma e 'TikTok'-ut do të hapet menjëherë pas zgjedhjeve, ju ftoj të dashur miq, të postoni në llogaritë tuaja të 'TikTok'-ut, por edhe rrjeteve të tjera sociale, statuse në mbrojtje të kësaj platforme dhe në dënim të censorit ekstrem, narkodiktatorit Edi Rama”, tha Berisha./ CNA





Lajmet e fundit nga