web counter
LEXO PA REKLAMA!

SHKARKO APP

App Store
Google Play

E fundit!

x

Komisioni hetimor për Portin e Durrësit/ Shumica rrëzon kërkesën e PD-së në Konferencën e Kryetarëve

23 Dhjetor 2024, 14:10, Politikë CNA

Komisioni hetimor për Portin e Durrësit/ Shumica rrëzon

Shumica në Konferencën e Kryetarëve rrëzon kërkesën për Komisionin Hetimor për Portin e Durrësit. Kreu i grupit parlamentar të PD, Gazment Bardhi, është shprehur se refuzimi i mazhorancës është dëshmi e qartë se projekti nuk u shërben interesave të qytetarëve.

"Refuzimi i mazhorancës për hetim parlamentar për aferën e Portit të Durrësit nuk është thjesht antikushtetues, por është dëshmi e qartë se projekti nuk u shërben interesave të qytetarëve, por vetëm interesave të Edi Ramës, Belinda Ballukut dhe klientëve të tyre.

Një mazhorancë që ka bindjen se projekti është në interes të zhvillimit, pse ka frikë nga transparenca, pse ka frikë nga hetimi parlamentar, pse pengon ushtrimin nga opozita të të drejtës së saj për kontroll parlamentar?

Pengimi ka vetëm një qëllim: Të fsheh për pak kohë aferën korruptive të Portit të Durrësit, edhe pse ajo po del në sipërfaqe dita-ditës.

E vërteta mund të pengohet të dalë plotësisht për pak kohë, siç u pengua për vite e vërteta për inceneratorët, por ajo nuk mund të pengohet përjetësisht. Përgjegjësit e kësaj afere do të mbajnë përgjegjësi të plotë, sado të përpiqen, që në kundërshtim me Kushtetutën dhe më votë politike, të refuzojnë hetimin parlamentar", tha Bardhi./ CNA





Lajmet e fundit nga