web counter
LEXO PA REKLAMA!

SHKARKO APP

App Store
Google Play

E fundit!

x

Kartat e identitetit të skaduara/ Meta: Po përjashtojnë 6157 qytetarë nga zgjedhjet, krim i Ramës

4 Gusht 2024, 18:05, Politikë CNA
Kartat e identitetit të skaduara/ Meta: Po përjashtojnë 6157
Zgjedhjet në Himarë

Kryetari i Partisë së Lirisë, Ilir Meta ka reaguar për përjashtimin nga votimet në Himarë të 6.157 qytetarëve, të cilëve i kishin skaduar mjetet e identifikimit.

Meta e ka cilësuar përjashtimin e tyre si krim të shëmtuar elektoral, të urdhëruar nga kryeministri Edi Rama.

Sipas tij, ky veprim i shërben grabitjes së zgjedhjeve nga mazhoranca.

“Përjashtimi i qëllimshëm antikushtetues i 6157 qytetarëve të Bashkisë së Himarës nga e drejta e votimit, me preteksin e skadimit të dokumentave të identifikimit është një krim i shëmtuar elektoral i Edi Ramës në funksion të grabitjes së zgjedhjeve.

Shtimi në listat e votimit të qindra qytetarëve nga bashki të tjera, ndryshimi i programuar i qendrave të votimit, ndarja preferenciale për qëllime elektorale të titujve të pronësisë, zbarkimi i të gjithë makinerisë së narkoshtetit në Himarë, me banditë, presione, shantazhe dhe para të pista janë akte mafioze antiligjore që akuzojnë rëndë drejtpërdrejt Edi Ramën dhe SPAK që mbron krimet e tij elektorale.

Duke dënuar me forcë aktet që synojnë të shkatërrojnë standardet e zgjedhjeve të lira e të ndershme në Himarë, u bëj thirrje të gjithë himariotëve të vrapojnë në këto orë të mbetura drejt qendrave të votimit për të mbrojtur Himarën dhe ndëshkuar grabitësit e tokave të tyre”, ka theksuar kreu i PL-së./ CNA





Lajmet e fundit nga