web counter
LEXO PA REKLAMA!

SHKARKO APP

App Store
Google Play

ID të skaduara/ KQZ-ja: Për zgjedhësit mbi 75 vjeç, vlefshmëria e dokumenteve e pacaktuar

4 Gusht 2024, 10:49, Politikë CNA
ID të skaduara/ KQZ-ja: Për zgjedhësit mbi 75 vjeç,
Foto nga procesi i votimit

Për qytetarët që kanë kartat e identitetit të skaduara dhe nuk mund të votojnë në Himarë-Fshat, ka reaguar edhe KQZ-ja. 

?Komisioni Qendror i Zgjedhjeve tërheq vëmendjen se nuk është organi kompetent për të shtyrë vlefshmërinë e dokumenteve të identifikimit.

Në njoftim theksohet se "Për zgjedhësit mbi 75 vjeç vlefshmëria e dokumenteve të identifikimit është e pacaktuar. Kështu përcaktohet në ligjin nr. 89/2020, datë 09.07.2020 'Për një ndryshim në ligjin nr. 8952, datë 10.10.2002 'Për letërnjoftimin elektronik të shtetasve shqiptarë', i ndryshuar'". 

Në lidhje me këtë problematikë, Vangjel Tavo u shpreh se ky nuk është një problem i tij, por është çështje ligjore dhe se askush nuk del mbi ligjin. 

Procesi i votimit në Himarë ka nisur që prej orës 07:00 të mëngjesit të sotëm dhe pritet të mbarojë në orën 19:00. 

Në qendrat e votimit, që janë 36 në total, materialet zgjedhore kanë mbërritur 2 ditë më parë, ndërsa KQZ ka bërë shpërndarjen e tyre orët e para të mëngjesit të së shtunës.

Në Himarë aplikohet vetëm identifikimi elektronik dhe qendrat e votimit do të jenë të monitoruara me kamera ashtu si në çdo zgjedhje./CNA 





Lajmet e fundit nga