web counter
LEXO PA REKLAMA!

SHKARKO APP

App Store
Google Play

Dule, për zgjedhjet në Himarë: Mbi 25% të votuesve u është mohuar e drejta për votën

4 Gusht 2024, 14:41, Politikë CNA
Dule, për zgjedhjet në Himarë: Mbi 25% të votuesve u
Vangjel Dule

Për procesin zgjedhor që po zhvillohet sot në Himarë, kreu i PBDNJ-së, Vangjel Dule, tha se është absurd. 

Ai denoncoi se janë 311 zgjedhës që janë shtuar në listat e zgjedhjeve të sotme, krahasasur me ato të 2023-shit. 

Ndërkohë tha se mbi 25% e zgjedhësve u është mohuar e drejta për të votuar, pasi kanë dokumente të skaduara.

"Kush janë autoritetet shtetërore që kanë marrë këtë veprim? Janë 311 zgjedhës që janë shtuar në listat e zgjedhjeve të sotme, krahasasur me ato të 2023-shit. Është procesi zgjedhor më absurd. Janë bërë shkelje flagrante që janë kallëzuar në SPAK nga kandidati Petro Gjikuria. Kandidati i PS-së pohoi se ka shpërndarë mbi 1200 tituj pronësie dhe në sirtarët e Kadastrës janë 600 të tillë për t'u shpërndarë. Nuk kemi asnjë reagim të drejtësisë. Mbi 25% të zgjedhësve u është mohuar e drejta për të votuar me dokumente të skaduara. Janë mbi 600 qytetarë që janë paraqitur në qendra votimi dhe u është referuar pjesëmarrja në procesin zgjedhor", u shpreh Dule./CNA 





Lajmet e fundit nga