web counter
LEXO PA REKLAMA!

SHKARKO APP

App Store
Google Play

Dega e Omonias në Himarë, akuza Ramës: Zgjedhësve po u refuzohet e drejta e votimit

4 Gusht 2024, 11:00, Politikë CNA
Dega e Omonias në Himarë, akuza Ramës: Zgjedhësve po u
Foto nga një qendër votimi në Himarë

Dega e Omonias në Himarë, përmes një deklarate, ka reaguar për problematikën me kartat e identitetit të skaduara në Himarë-Fshat. 

Në reagim theksohet se dhjetëra zgjedhësve u refuzohet e drejta e votimit me pretendimin e dokumenteve të identifikimit të skaduara.

"Kompania shtetërore e prodhimit të kartave të identitetit, ishte vënë gjatë ditëve të fundit në shërbim të Partisë Socialiste, duke u shërbyer qytetarëve në mënyre selektive. Anëtarëve të PS u rinovoheshin dokumentet në mënyrë të organizuar brenda 24 orëve, ndërsa qytetarëve të tjerë u kërkohej të paraqiteshin pas 15 ditësh", thuhet në reagim.

Reagimi i plotë: 

Që me nisjen e procesit zgjedhor në Bashkinë Himarë, me insistimin e komisionerëve të Partise Socialiste, dhjetëra zgjedhësve u refuzohet e drejta e votimit me pretendimin e dokumentave të identifikimit të skaduara.

Në kundërshtim me praktikat e aplikuara në proceset e mëparshme zgjedhore, Kryeministri Rama refuzoi të nxjerrë aktet përkatëse ligjore që do të garantonin të drejtën e votës për të gjithë zgjedhësit.

Kompania shtetërore e prodhimit të kartave të identitetit, ishte vënë gjatë ditëve të fundit në shërbim të Partisë Socialiste, duke u shërbyer qytetarëve në mënyre selektive. Anëtarëve të PS u rinovoheshin dokumentet në mënyrë të organizuar brenda 24 orëve, ndërsa qytetarëve të tjerë u kërkohej të paraqiteshin pas 15 ditësh.

Në total, nga 23074 zgjedhes të rregjistruar, 6157 janë apriori të privuar nga e drejta e zgjedhjes me vendim dhe përgjegjësi të Qeverisë Rama./CNA





Lajmet e fundit nga