web counter
LEXO PA REKLAMA!

SHKARKO APP

App Store
Google Play

E fundit!

x

Ish-presidenti i kamur, tallet me shqiptarët/ Meta ankohet sërish për çmimet dhe pagat

7 Shtator 2022, 19:44, Politikë CNA
Ish-presidenti i kamur, tallet me shqiptarët/ Meta ankohet sërish
Ish-presidenti Ilir Meta

Ish-presidenti Ilir Meta, është ankuar sërish për rritjen e çmimeve dhe për nivelin e pagave në vendin tonë.

Gjatë një takimi me strukturat e zonës Kombinatit, Meta, i cili zotëron një pasuri prej 4 miliardë lekësh, tha se çmimet janë më të larta në Shqipëri se në Ukrainë, ku po zhvillohet lufta.

“E dimë që Ukraina është në luftë por pasojat ekonomike dhe sociale janë më të rënda në Shqipëri se ata që janë në luftë. Përfshirë këtu çmimin e karburantit i cili është më i shtrenjtit në botë. Partia e Lirisë ka paraqitur në Kuvend për këtë gjë një propozim për heqjen e taksës së karbonit dhe taksës së qarkullimit.

Sot nëse këto taksa do të hiqeshin çmimi do të binte rreth 3710 lekë të vjetra, por qeveria kërkon të mbushë arkën për të paguar inceneratorët dhe tenderat që bën me 10-fishin e kostos reale.

Parimi ynë është më mirë një lekë më pak në arkën e qeverisë dhe më mirë 1 lekë më shumë në xhepin e qytetarit”, u shpreh ai, ndërsa e vuri theksin edhe tek pagat.

“Vendi ka pasur rritje ekonomike, por pagat nuk janë rritur dhe nuk ka në përfituar të gjithë, madje as nuk janë indeksuar me nivelin e inflacionit. Kjo ka krijuar një situatë të rëndë sociale e ekonomike. Paga minimale është e nevojshme të përfshihet në indeksim.

Rritja e indeksimi, bën përfitues punonjësit të rritjes s ekonomisë dhe rrit mirëqenien e tyre. Rritja nxit rritjen e konsumit dhe ndikon në rritjen ekonomike të vendit dhe rrit të ardhurat nga sigurimet shoqërore. Kuvendi të shqyrtojë e votojë menjëherë një projektligj i cili mbron qytetarët”, deklaroi Meta./ B.A. - CNA.al





Lajmet e fundit nga