web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Elbasanit, në remont/ Lumi Shkumbin po helmohet nga djegia e plehrave

17 Prill 2023, 17:53, Denoncim CNA
Inceneratori i Elbasanit, në remont/ Lumi Shkumbin po helmohet nga djegia e
Inceneratori i Elbasanit

Inceneratori i Elbasanit ndodhet në remont prej disa muajsh për shkak të defekteve teknike.

CNA ka denoncuar se inceneratori i Elbasanit nuk është funksional shumë kohë më parë dhe kjo gjë është konfirmuar edhe nga kryebashkiaku i Elbasanit, Gledjan Llatja.

Gjatë kësaj kohe, mbetjet urbane në Elbasan po dërgohen në një venddepozitim të paligjshëm buzë lumit Shkumbin, ku edhe po digjen.

Ndonëse qeveria ka deklaruar se me inceneratorët nuk do të ketë më plehra dhe shqiptarët nuk do të vuajnë më nga tymi i djegies së mbeturinave, premtimi nuk po mbahet.

Tashmë ne ndodhemi përballë një megaskandali që vetëm në Elbasan i ka kushtuar shqiptarëve  rreth 22 milionë euro dhe pretendohet se është investuar më shumë se kaq.

Por përveçse po vidhen para nga xhepat e shqiptarëve për një incenerator që nuk punon, ata po helmohen nga djegia e plehrave pranë lumit Shkumbin. Këtë gjë e ka denoncuar edhe Luçiano Boçi, gjatë një takimi në Elbasan.

“Pranë Elbasanit është lumi Shkumbin, i cili është helmuar ndër vite dhe tani helmohet nga djegia e plehrave në qiell të hapur. Qeveria qendror dhe vendore kanë vjedhur në këtë investim infektiv mbi 27 milionë euro dhe është ndërtuar një hekurishte kancerogjene që prodhon vdekje dhe tym. Është qytet që helmohet me helm industrial dhe metal të rëndë prej 5 dekadash”, theksoi ndër të tjera Boçi./ CNA.al





Lajmet e fundit nga