web counter
LEXO PA REKLAMA!

SHKARKO APP

App Store
Google Play

Akt-ekspertimi jashtë vendit për vrasjen mister në Korçë

11 Prill 2023, 22:23, Denoncim CNA

Akt-ekspertimi jashtë vendit për vrasjen mister në

Në Maj të vitit 2017 emisioni “Stop” transmetoi rastin e një vrasjeje në Vloçisht të Korçës, në tetor të vitit 2012. Provat e sjella nga gazetari i emisionit, bënë të mundur rihapjen e çështjes pas 5 vjetësh. Por prokurorja Oli Visi, nuk bëri asgjë, për të zbardhur vrasjen. Ajo nuk thirri asnjëherë dëshmitarin, që kishte parë me sytë e tij konfliktin. Po kështu prokurorja Visi nuk bëri kurrë aktin e thelluar kimik.

Djali i viktimës, Erion Hena, takoi prokuroren, duke i thënë, se po e çon drejt vetëgjyqësisë. Pas prokurores, edhe Gjykata e Korçës pranoi kërkesën e pezullimit të çështjes, pa asnjë letër në dosjen e gjykimit. Si artificë për dështimin e procesit, u gjet mungesa e kryerjes së eksperimentit në Institutin e Policisë Shkencore në Tiranë, i cili nuk bën dot analizë të thelluar, që mund të japë përgjigje, për shenjat e barutit në rrobat e të dyshuarit.

Djali i viktimës: Prokurorja Oli Visi, e cila nuk mori asnjë akt-ekspertimi në prova kryesore, që ishte saldim apo barut në bluzën e të dyshuarit, kjo duket qartë, e zvarritën vite, kuptohet pse.

Sot, pas interesimit dhe publikimit disa vjeçar të emisionit “Stop”, më në fund, Prokuroria e Korçës ka dërguar përmes një letër-porosie bërjen e një akt-ekspertimi jashtë vendit, për të zbardhur përfundimisht këtë vrasje.

Djali i viktimës: Përsëri, duke mos hequr dorë nga besimi në Prokurori dhe drejtësinë shqiptare, me ndihmën e emisionit investigativ “Stop”, me ndihmën e avokatit tim dhe tani më në fund e kanë çuar për një akt ekspertimi jashtë shtetit. Shpresoj, që ky akt i pavarur të jetë i drejtë, shpresoj, që ky akt ekspertimi  të zbardhë vrasjen e babait tim./ tvklan





Lajmet e fundit nga