E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Prindërit e 18-vjeçarit që u gjet i varur në pyll/ Eksperti hipi me doreza në pemë dhe tha s’mu bënë duart me rrëshirë

13 Prill 2023, 22:30, Denoncim CNA

Prindërit e 18-vjeçarit që u gjet i varur në pyll/

Në mënyrë të përsëritur, emisioni “Stop” në Tv Klan, ka trajtuar rastin e 18-vjeçarit të ndjerë Antonio Karafili, i cili u gjet i varur në pyllin e Voskopojës. Ngjarja e rëndë ndodhi në 14 Qershor 2018. Personi, që e pa për herë të fundit në jetë Antonion, ishte e dashura e tij, Kejsi Spaillari, 17 vjeç nga Korça.

Ata u ndanë rreth orës 20:00 të mbrëmjes, Kejsi me të ëmën dhe vëllain e të dashurit, u ngjitën për në Voskopojë. E ëma e të ndjerit, Mimoza Karafili, tregoi me detaje sesi u njoftua nga e dashura e djalit për vdekjen e të birit. Ajo vetë e gjeti atë të lidhur e të pajetë në një pishë. Çështja e vetëvarjes apo vrasjes së të riut Karafili, u hetua dhe u zvarrit nga shumë prokurorë.

Prokurori i fundit urdhëroi një riekspertim të tretë nga Instituti i Mjekësisë Ligjore ku ishin të pranishëm edhe prindërit e Antonios.

Mamaja: Jam mamaja e Antonio Karafilit, falenderoj prokuroren Vasiana Apostoli, që i ka hyrë çështjes së djalit me themel.

Babai: Me prokuroren, me ekspertët, me ekspert kriminalistik, me doktorët, kemi vajtur, kemi bërë matjet.

Prindërit akuzojnë sërish me fakte ekspertët për moszbardhje dhe pengim të ngjarjes.

Mamaja: Mirëpo ne pengesa na vjen nga mjekët ligjorë, na kanë lënë peng, nuk na thonë arsyen.

Babai: Eksperti i kriminalistikës ka hipur me doreza në pemë dhe ka thënë: “Mua s’mu bënë duart me rrëshirë”. Eksperti bile po të duash, kushdo, që do të dojë, të dalë në ballafaqim me mua, të ma thotë në sy: “Çdo gjë ka mbaruar, ka marrë fund, është një gjë e kotë, që e kërkon”. Kjo është historia.

Edhe pas eksperimentit në terren, shumë fakte nga Mjekësia Ligjore sërish u sfumuan, duke e lënë si vetëvarje atë, që ka ndodhur me të riun e ndjerë. E vetmja zgjidhje, që kjo çështje të zbardhet, është dërgimi jashtë Shqipërisë i bërjes së akt-ekspertimit përfundimtar, të pandikuar nga Mjekësia Ligjore në Shqipëri./tvklan.al