web counter
LEXO PA REKLAMA!

SHKARKO APP

App Store
Google Play

Gjobë ndaj qeverisë/ Rama flet për sulmin kibernetik: Nuk janë hakera të zakonshëm

21 Korrik 2022, 10:09, Politikë CNA
Gjobë ndaj qeverisë/ Rama flet për sulmin kibernetik: Nuk
Kryeministri Edi Rama

Kryeministri Edi Rama, në një deklaratë pas mbledhjes së Qeverisë, sërish është ndalur te sulmi kibernetik që ka prekur sistemin qeveritar.

Ai ka ripërsëritur se sulmi nuk është nga hakera të zakonshëm, por një agresion i organizuar nga një shtet.

 “Kemi punuar ose më saktë skuadra e AKSHI-t ka punuar natë dhe ditë, ditë dhe natë. Do të kemi një konferencë të përbashkët kur gjithçka të ketë përfunduar dhe skuadra nga SHBA-ja të mos ketë më nevojë të qëndrojë në tryezë.

Së pari, sulmi nuk është një sulm nga hakera të zakonshëm dhe as nga grupe njerëzish të kësaj bote të errët që bëjnë shpeshherë ndërmarrje të tilla edhe ndaj shteteve shumë më të mëdha duke bllokuar dhe sisteme kritike për të vendosur gjoba të majme. Ky është një agresion i organizuar nga një shtet”, është shprehur Rama.

Më tej, ai ka folur edhe për dezinformacionet  lidhur me këtë çështje, për të cilat një ditë më para ai akuzoi "Top Channel"-in për shpifje.

“Nuk kemi ende të gjitha provat për të përcaktuar një prej dy shteteve të dyshuara. Kjo është pjesa më delikate. Roli i disa burimeve të informacionit ka qenë destruktiv dhe i papranueshëm për një shoqëri demokratike të informacionit”, ka thënë  Rama./CNA.al





Lajmet e fundit nga